Rahul Gandhi News : राहुल गांधींची दुपारी एक वाजता पत्रकार परिषद; काँग्रेसचं राजीनामा सत्र सुरू होणार? देशाचे लागले लक्ष!

Congress News : काँग्रेसंचे माजी अध्यक्ष व नेते राहुल गांधी (Rahul Gandhi) मोदी आडनावावरून केलेल्या वक्तव्याप्रकरणी गुजरातमधील सुरत न्यायालयाने त्यांना २ वर्षांची शिक्षा सुनावली. यानंतर काल (दि. २४ मार्च) त्यांची संसद सदस्यत्व रद्द करण्यात आलं. काँग्रेस पक्षासाठी हा सर्वात मोठा धक्का आहे. लोकसभा सचिवालयाच्या या निर्णयाविरोध तीव्र संताप व्यक्त केला. याच पार्श्वभूमीवर राहुल गांधी आज दुपारी एक वाजता गांधी सभा घेणार आहेत. आज ते काय बोलणार याकडे सर्वांचे लक्ष लागलंय.

राहुल गांधींवर कारवाई करण्यात आल्यानंतर काँग्रेस स्टेअरिंग कमिटीची एक बैठक झाली. यामध्ये काँग्रेसचे नेते उपस्थित होते. या बैठकीत एका खासदाराने अशी सूचना केली की, राहुल गांधींच्या समर्थनार्थ सर्व खासदारांनी राजीनामे दिले पाहिजे. सामूहीक राजीनाम्याचे सत्रव सुरू झाले पाहीजे. यावर अंतिम निर्णय झालेला नाही. पण वेगवेगळ्या पद्धतीने लोकांनी यावर सूचना केलेले आहेत. कशा पद्धतीने ही लढाई रस्त्यावर नेता येईल. याबद्दल ही काही नेत्यांनी रणनिती सांगितली आहे. यामुळे काँग्रेसपक्ष आक्रमक होण्याची चिन्हे आहेत.

दरम्यान, या संपूर्ण कारवाईवर राहुल गांधी बोलतील. दुपारी १ वाजता ते माध्यमांसमोर येणार आहेत. १ वाजता काँग्रेसच्या मुख्यालयात ते पत्रकार परिषद घेणार आहेत. त्यांच्यावर कारवाई झाल्यानंतर त्यांनी एक ट्वीट केलं होतं. ते म्हणाले होते की, भारताच्या आवाजासाठी मी लढतोय. त्यामुळे आज पत्रकार परिषेदेत ते नेमके काय बोलतात, हे पाहावं लागेल.

राहुल गांधी यांच्यावरील कारवाईनंतर निवडणूक आयोग काय पावलं उचलणार हा ही एक मुद्दा आहे. राष्ट्रवादी काँग्रेचे लक्षद्वीपचे खासदार मोहम्मद फैजल यांचंही अशाच पद्धतीने संसद सदस्यत्व रद्द करण्यात आलं होतं. यानंतर तातडीने आयोगाने पोटनिवडणूक जाहीर केली होती. त्यामुळे आता राहुल गांधींच्या वायनाड या मतदारसंघात किती वेगाने जाहीर होणार, याकडेही सर्वांचे लक्ष लागले आहे.