Rajasthan Election 2023 : अशोक गेहलोत, सचिन पायलट यांना टक्कर देण्यासाठी भाजपचे तगडे उमेदवार मैदानात

Rajasthan Assembly Election News : राजस्थान विधानसभेच्या निवडणुकीत भाजप-काँग्रेसमध्ये जोरदार रस्सीखेच पाहावयास मिळत आहे. या निवडणुकीकडे मिनी लोकसभेची निवडणूक म्हणून पाहिले जात असल्याने मोठी चुरस निर्माण झाली आहे.

भाजपने राजस्थान विधानसभा निवडणुकीसाठी ५८ उमेदवारांची तिसरी यादी घोषित केली असून, यामध्ये मुख्यमंत्री अशोक गेहलोत व माजी उपमुख्यमंत्री सचिन पायलट यांच्या विरोधातील उमेदवार फायनल केले आहेत.

भाजपने मुख्यमंत्री अशोक गेहलोत यांच्या विरोधात सरदारपुरा विधानसभा मतदारसंघातून महेंद्र सिंह राठोड यांना उमेदवारी दिली, तर टोंक विधानसभा मतदारसंघातून निवडणूक रिंगणात उतरलेल्या सचिन पायलट यांच्याविरोधात अजित सिंह यांना उमेदवारी दिली आहे. या दोन्ही सीटवरील निवडणुकीची चर्चा संपूर्ण राजस्थानात आहे. त्यामुळे या दोघांविरोधात कोण उमेदवार दिले जाणार, याची उत्सुकता शिगेला पोहाेचली होती.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

गुरुवारी भाजपने ५८ उमेदवारांच्या नावाची घोषणा केली. यापूर्वी पहिल्या यादीत भाजपने ९५ जणांची नावे घोषित केली होती. आतापर्यंत एकूण १८२ जणांच्या नावाची घोषणा भाजपकडून करण्यात आली आहे, तर दुसरीकडे काँग्रेसने आतापर्यंत १५१ जागेवरील उमेदवारांची घोषणा केली आहे.

भाजपने तिसऱ्या यादीत करणपूर मतदारसंघातून सुरेंद्र पाल यांना, तर सुरतगड मतदारसंघातून रामप्रताप कनेसिया यांना उमेदवारी दिली आहे. खाजुवाला मतदारसंघातून विश्वनाथ मेघवाल यांना, तर कोलायातमधून पूनम कवर, सादलापूरमधून सुमित्रा पुनिया आणि पिलानीमधून राजेश दहिया यांना रिंगणात उतरवले आहे.

Edited By- Ganesh Thombare