Suvendu Adhikari PA Murder Case : सुवेंदू अधिकारींच्या पीएच्या हत्येप्रकरणी तिघांना अटक, उत्तर प्रदेश, बिहारमधून उचललं!

PA Murder Case : पश्चिम बंगालमधील निवडणुकीच्या निकालाच्या काही तासांमध्येच सुवेंदू अधिकारी यांचे पीए चंद्रनाथ राय यांची गोळ्या घालून हत्या करण्यात आली होती. त्यामुळे मोठी खळबळ उडाली होती.

सुवेंदू यांनी नुकतीच मुख्यमंत्रि‍पदाची शपथ घेतली. त्यानंतर चंद्रनाथ रथ यांच्या हत्येच्या तपासाला गती आली आहे. चंद्रनाथ रथ यांच्या हत्ये प्रकरणात तीन संशयित आरोपींना बिहार आणि उत्तर प्रदेशमधून अटक करण्यात आली आहे. या विषयीचे वृत्त 'जागरण'ने सुत्रांच्या हवाल्याने दिले आहे.

बंगाल सीआयडीने सांगितले की, गुप्त माहितीच्या आधारे 10 मे रोजी मयंक राज मिश्रा, विक्की मौर्या यांना बिहारमधील बक्सर येथून ताब्यात घेण्यात आले. तर, राजा सिंह या आरोपीला उत्तर प्रदेशमधील बलिया येथून ताब्यात घेण्यात आले.

संशयित आरोपींनी एका टोल नाक्यावर युपीआयद्वारे पेमेंट केले होते. त्यानंतर पश्चिम बंगाल पोलिसांच्या स्पेशल टास्क फोर्सने त्यांचे लोकेशन ट्रॅक करत त्यांना अटक केली. चंद्रनाथ रथ यांच्या हत्येविषयी या आरोपींकडे चौकशी केली जात असून त्यांना रात्रीच पश्चिम बंगालमध्ये आणल्याचे सांगितले जात आहे.

संशयित आरोपींपैकी दोन आरोपी हे बिहारमधील बक्सर येतील राहणार आहेत. तर, तिसरा संशयित हा उत्तर प्रदेशमधील बलिया येथील रहिवाशी आहेत. आरोपींच्या अटकेविषयी पोलिस लवकरच अधिकृत निवेदन जारी करण्यात येणार आहे.