DCM Plane Glitch: उपमुख्यमंत्र्यांच्या विमानात झाला बिघाड! धूर निघायला लागल्यानं झाली इमर्जन्सी लँडिंग

DCM Plane Glitch: सरकारी विमानात सोमवारी अचानक तांत्रिक बिघाडामुळं मुरादाबाद विमानतळावर काही काळ खळबळ माजली होती. विमान रनवेवर असनाच अचानक त्याचं एक इंजिन बंद पडलं. इंजिनातून धूर येऊ लगल्यानं या विमानाचं इमर्जन्सी लँडिंग करण्यात आलं. या विमानातून उत्तर प्रदेशचे उपमुख्यमंत्री ब्रिजेश पाठक हे प्रवास करत होते.

या घटनेनंतर तात्काळ एअरपोर्ट प्रशासन आणि सुरक्षा एजन्सीज सक्रीय झाल्या त्यानंतर विमान रनवेवरच थांबवण्यात आलं आणि उपमुख्यमंत्र्यांना सुरक्षितपणे बाहेर काढण्यात आलं. त्यानंतर तांत्रिक टीमनं लगेचच तपासणी सुरु केली. विमानाच्या इंजिनात नेमका काय दोष निर्माण झाला याची कारणं शोधली जात आहेत. या घटनेनंतर विमानतळावर सुरक्षा व्यवस्था आणि सतर्कता वाढवण्यात आली आहे. प्रशासनानं सांगितलं की, आता स्थिती पूर्णतः नियंत्रणात असून सर्व प्रवाशी आणि अधिकारी सुरक्षित आहेत.

यापूर्वीही विमानात बिघाड, दोन डीसीएम करत होते प्रवास

दरम्यान, यापूर्वीही ९ मार्च रोजी इंडिगोच्या विमानात बिघाड झाला होता. त्यावेळी याविमानातून दोन उपमुख्यमंत्री प्रवास करत होते. अमौसी इथल्या चौधरी चरण सिंह आंतरराष्ट्रीय विमानतळावर हा प्रकार घडला होता. कोलकात्याकडं निघालेल्या या विमानात आधीच निर्माण झालेल्या तांत्रिक बिघाडामुळं ते एक तास उशारीनं सुटणार होतं. या विमानातून त्यावेळी डिसीएम केशव प्रसाद मौर्य आणि ब्रिजेश पाठक प्रवास करत होते.