Rohini Acharya News : बिहार विधानसभेच्या निकालानंतर तेजस्वी यादव यांच्या कुटुंबात तुफान राडा झाला आहे. तेजस्वी यादव यांची बहीण रोहिणी आचार्य यांनी ट्विट करत सांगितले की, एका आईचा अपमान केला गेला, तिच्यावर चप्पल उचलली गेली, घाणेरड्या शिव्या दिल्या गेल्या. मला माझे माहेर सोडण्यासाठी भाग पाडले गेले.
रोहिणी यांनी नाव न घेता तेजस्वी यांच्यावर गंभीर आरोप केले आहेत. त्या म्हणाल्या, 'मला मारण्यासाठी चप्पल उचलली गेली. पण मी माझ्या आत्मसन्मानासाठी मागे हटले नाही. फक्त यासाठी मला बेइज्जत करण्यात आले. काल रडत एक मुलगी आपल्या आई-वडिलांना सोडून घरातून बाहेर पडली. माझे माहेर सुटले, मला अनाथ बनवले गेले. तुम्ही माझ्या मार्गावर कधीही चालू नका, कोणाच्या घरात रोहिणी सारखी मुलगी, बहीण जन्मू नये.'
पुढे बोलताना त्या म्हणाल्या, 'काल मला घाणेरड्या शिव्या दिल्या गेल्या. मला म्हटलं गेलं की मी माझी घाणेरडी किडणी माझ्या वडिलांना दिली. त्यासाठी कोट्यावधी रुपये घेतले. टिकट घेतलं तेव्हा किडणी दिली.'
'सर्व बहि‍णींना, मुलींना माझे आवाहन आहे की ज्यांचे लग्न झाले आहे. त्यांचा भाऊ आहे. त्यांनी कृपा करून आपल्या वडिलांना वाचवू नका. त्यांना आपल्या भावाला सांगा की वडिलांना त्याच्या हरिणाच्या मित्राची किडणी लावावी.', असे म्हणत रोहिणी यांनी तेजस्वी यांचे मित्र संजय यादव यांच्यावर देखील टीका केली आहे.
बिहारच्या निवडणूक निकालानंतर दुसऱ्याच दिवशी रोहणी यांनी ट्विट करत आपण राजकारण आणि कुटुंब सोडत असल्याचे सांगितले होते. त्यांनी यासाठी संजय यादव आणि रामीज या तेजस्वी यादव यांच्या निकटवर्तीयांना जबाबदार धरले. या दोघांच्या म्हणण्या प्रमाणे आपण घरातून बाहेर पडत असल्याचे देखील त्यांनी सांगितले होते.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.