आईला औषधे देऊन येताना भाजप नेत्यावर गोळीबार ; प्रकृती गंभीर

मैनपुरी (उत्तरप्रदेश) : आईला औषधे देऊन घरी परत येत असताना भाजप नेत्यावर अज्ञान दोन व्यक्तींनी गोळीबार केला. ही घटना मैनपुरी (उत्तरप्रदेश) (Uttar Pradesh) येथे शनिवारी रात्री साडेनऊ वाजण्याच्या सुमारास घडली.

या हल्ल्यात भाजप नेता गंभीर जखमी झाले असून त्यांच्यावर एका खासगी रुग्णालयात उपचार सुरु आहेत. गोळीबार करुन हल्लेखोर पळून गेले आहेत. पोलिस त्यांचा शोध घेत आहेत.

भाजपा अनुसूचित जाती युवा मोर्चाचे जिलाध्यक्ष गौतम कठेरिया हे काल (शनिवारी) रात्री साडेनऊ वाजण्याच्या सुमारास ते आपल्या आईला औषधे देण्यासाठी मैनपुरी येथे गेले होते. त्यांची आई दुसऱ्या ठिकाणी राहते. दुचाकीवरुन येथून परत येत असताना भौगांव-मैनपुरी रस्त्यावर त्यांच्यावर तीन ते चार गोळ्या झाडण्यात आल्या.

यात ते गंभीर झाले. त्यांना जिल्हा रुग्णालयात दाखल करण्यात आले. त्यानंतर त्यांना आगरा येथील रुग्णालयात हलविण्यात आले आहे. गोळीबारानंतर दुचाकीवरुन आलेले दोघे हे पळून गेले.

कठेरिया यांच्या डोक्याला गोळी लागली असून त्यांची प्रकृती गंभीर असल्याचे त्यांच्यावर उपचार करणाऱ्या डॅाक्टारांनी सांगितले. या घटनेनंतर मैनपुरी जिल्ह्यात नाकाबंदी करण्यात आली आहे, पोलिस हल्लेखोराचा कसून शोध घेत आहेत.

राष्ट्रवादी युवक कॉग्रेसचे (ncp) अध्यक्षाच्या गाडीवर अज्ञात व्यक्तीकडून गोळीबार करण्यात आल्याची घटना काल उस्मानाबाद (Osmanabad) जिल्ह्यात घडली. या घटनेमुळे परिसरात तणाव निर्माण झाला होता. गोळीबाराचे कारण अद्याप कळू शकले नाही, असे पोलिसांनी सांगितले.

राष्ट्रवादी युवक काँग्रेस जिल्हा कार्यध्यक्ष आणि उस्मानाबाद जिल्ह्यातील वाशी तालुक्यातील फक्राबादचे सरपंच नितीन बिक्कड (Nitin Bikkad) यांच्या गाडीवर अज्ञात व्यक्तीकडून गोळीबार करण्यात आला आहे.