Nishant Kumar : 9 वेळा मुख्यमंत्री झालेल्या नितीश कुमारांचा मुलगा काय करतो?

Nishant Kumar News : बिहार विधासभेमध्ये एनडीएला प्रचंड बहुमत मिळाले आहे. भाजप आणि नितीश कुमारांच्या जेडीयूमध्ये फक्त चार जागांचे अंतर आहे. त्यामुळे नितीश कुमार पुन्हा मुख्यमंत्री होणार की नाही याची चर्चा सुरू झाली आहे. नितीश कुमार यांचे वय पाहाता त्यांचा उत्तराधिकारी कोण असणार याची देखील चर्चा सुरू झाली आहे.

निवडणूक सुरू असतानाच नितीश कुमार यांचा मुलगा निशांत कुमार याला पुढे आणण्याची मागणी जेडीयूमधील वरिष्ठ मंत्री करत होते. मात्र. निशांत हे राजकारणात पूर्ण वेळ सक्रीय झाले नाहीत. जदयू के राष्ट्रीय कार्यकारी अध्यक्ष संजय कुमार झा यांनी सर्वप्रथम निशांत यांनी राजकारणात सक्रीय व्हावे, अशी मागणी केली होती.

निशांत कुमार यांनी आपल्या वडिलांप्रमाणे इंजिनिअरिंगचे शिक्षण घेतले आहे. त्यांनी सांगितले की ते कधीही राजकारण येऊ इच्छित नाही. त्यांचा ओढा अधात्माकडे आहे. ते वडिलांच्या राजकीय कार्यक्रमांना जाणे देखील टाळतात.

विधानसभा निवडणुकीच्या आधी निशांत कुमार यांनी सार्वजनिक कार्यक्रमात उपस्थित राहत एनडीएकडून नितीश कुमार यांना मुख्यमंत्रि‍पदाचे उमेदवार जाहीर करायला हवे, असे मत व्यक्त केले होते. नितीश कुमार यांचे वाढते वय पाहता निशांत कुमार यांनी पक्षाची धुरा हाती घ्यावी, असे मत जेडीयूतील काही नेते म्हणत आहेत. तर, पक्षात परिवारवाद नको, असे सांगून काही जण याला विरोध देखील करत आहेत.