INDIA Alliance : 'इंडिया आघाडी' जागावाटपाचा फॉर्म्युला ठरणार ? शरद पवारांच्या घरी समन्वय समितीची बैठक !

Delhi News : भाजप आणि मोदी सरकारविरोधात प्रमुख विरोधी पक्षांची 'इंडिया' आघाडी राजकीय रणनीती आखणीसाठी सज्ज झाली आहे. इंडिया आघाडीची बिहार आणि बंगळुरुतील बैठकीनंतर मुंबईतही तिसरी बैठक पार पडली होती. मुंबईतील बैठकीत आघाडीची महत्त्वपूर्ण अशी समन्वय समितीची घोषणा करण्यात आली होती. या समन्वय पहिली बैठक आज (दि.१३ सप्टेंबर) पार पडत आहे. (Latest Marathi News)

आगामी लोकसभा निवडणुकीसाठी जागावाटपाचे सूत्र आणि आघाडी म्हणून भाजपला पराभूत करण्यासाठीची रणनिती यावर प्रामुख्याने बैठकीत चर्चा होणार असल्याची शक्यता आहे. या समन्वय समितीमध्ये राष्ट्रवादी काँग्रेसचे अध्यक्ष शरद पवार आणि शिवसेना ठाकरे गटाचे खासदार संजय राऊत यांच्यासोबतच प्रमुख विरोधी पक्षांचे, अशा एकूण १४ नेत्यांचा समावेश करण्यात आला आहे.

'इंडिया' आघाडीची ही समन्वय समितीची बैठक आज सायंकाळी ४ वाजता शरद पवार (Sharad Pawar) यांच्या निवास्थानी बैठक होत आहे. भाजपविरोधी मतांची विभागणी होऊ नये, यासाठी एनडीए विरोधात सर्व विरोधी पक्षांनी एकच उमेदवार देऊन अधिकाधिक उमेदवार निवडून आणण्याची रणनितीने पुढे जावे, या निकषावर जागावाटपाचे सूत्र ठरवले जाऊ शकते.

बैठकीत कशावर होणार चर्चा ?

आगामी लोकसभा निवडणुकांसाठी जागावाटपाचे सूत्र या सोबतच सरकारच्या वतीने बोलावण्यात आलेल्या विशेष अधिवेशनासाठी विरोधकांची सर्वसहमतीने योजना आखण्यावर चर्चा होणार आहे. तसेच, विधानसभा आणि लोकसभा निवडणुकांच्या अनुषंगाने देशातील प्रमुख पाच शहरांमध्ये रॅली काढण्याविषयी विचार करण्यात येणार आहे.

इंडिया आघाडी समन्वय समित सदस्य -

शरद पवार (राष्ट्रवादी काँग्रेस)

संजय राऊत (शिवसेना)

केसी वेणू गोपाल (काँग्रेस)

टीआर बालू (डी एम के)

तेजस्वी यादव (आरजेडी)

अभिषेक बॅनर्जी (तृणमूल काँग्रेस)

राघव चढा (आम आदमी पक्ष)

जावेद अली खान (समाजवादी पार्टी)

लल्लनसिंह (जेडीयू)

हेमंत सोरेन (जे एम एम)

डी राजा (सीपीआय)

ओमर अब्दुल्ला (नॅशनल कॉन्फरन्स)

मेहबूबा मुफ्ती (पीडीपी)