Ashok Kharat Case: भोंदूबाबा खरातचं नाव 'अशोक' नव्हेच समोर आली धक्कादायक माहिती; स्वत:च्या नावातही झोल...

Ashok Kharat Real Name: भोंदूबाबा ज्योतिषी आणि स्वत:ला कॅप्टन म्हणवून घेणाऱ्या अशोक खरातला महिलांचे लैंगिक शोषण केल्याच्या आरोपाखाली अटक करण्यात आली आहे. पोलीस तपासात खरात संबंधित अनेक धक्कादायक खुलासे होत आहेत.

अशातच आता खरातबाबतची आणखी एक माहिती समोर आली आहे. ती म्हणजे अंकशास्त्रज्ञ म्हणून जो खरात नेत्यांसह सर्वसामान्य नागरिकांची फसवणूक करत होता. तो खरात चक्क दहावी नापास असल्याचं समोर आलं गणित विषयात नापास झाला होता तरीही तो अंकशास्त्र म्हणून मिरवत असल्याचं आता उघड झालं आहे.

सिन्नर तालुक्यातील कहांडळावडीमध्ये खरात वावी येथील माध्यमिक शाळेत खरात शिकत होता. मिळालेल्या माहितीनुसार, दहावी परीक्षेच्या गुणपत्रिकेनुसार खरातला 35.88% मिळाले होते. तर मराठीत, 39 इंग्रजी 37 गणितामध्ये 28 विज्ञान, 62 समाजशास्त्र 38 आणि हिंदीमध्ये 47 गुण मिळाले होते. आकडेवारीनुसार खरात गणितात नापास असल्याचं स्पष्ट झालं आहे.

तर या भोंदू खरातचे आधीचे नाव लक्ष्मण असल्याचं समोर आलं आहे. अशोक खरातचे मूळ गाव सिन्नर तालुक्यातील कहांडळवाडी (शिवाजीनगर) आहे. तो शिक्षणासाठी वावी येथील माध्यमिक शाळेत जायचा. 1 जून 1965 ची जन्मतारीख असलेल्या अशोक खरात याचे शाळेतील नाव 'लक्ष्मण एकनाथ खरात' असे होते. मात्र, त्यानंतर गॅझेटद्वारे आपले नाव अशोक केल्याचं बोललं जात आहे. त्यामुळे भोंदूबाबा खरातबाबत अनेक धक्कादायक खुलासे होताना दिसत आहे.

दरम्यान, खरातवर आणखी एका पीडितेने आपल्यावर बलात्कार केल्याची तक्रार दिली आहे. त्यामुळे आता खरातवर एकूण सात गुन्हे दाखल झाले आहेत. तर काल मुख्यमंत्री देवेंद्र फडणवीस यांनी देखील सभागृहात खरातबाबत निवेदन दिले. शिवाय या प्रकरणात अशोक खरातला (Ashok Kharat) ज्यांनी कुणी मदत केली त्या कुणालाही सोडण्यात येणार नाही अशी ग्वाही मुख्यमंत्र्यांनी दिली.