Priyanka Chaturvedi : 'महायुती सब से महा'झुठी' है, जनता को महा'लुटा' है'; शिवसेना'UBT'च्या खासदार चतुर्वेदी भडकल्या

Mumbai News : विधानसभा निवडणुकीच्या प्रचाराचा जोर वाढला असून, विरोधक आणि सत्ताधारी एकमेकांवर टीकेची संधी सोडत नाही.

शिवसेना'UBT'च्या खासदार प्रियंका चतुर्वेदी यांनी "महायुती सरकार सर्वात मोठी महा'झुठी' है, जो जनता को महा'लुट' रही है", असे म्हणत जोरदार टीका केली.

विधानसभा निवडणुकीचा राज्यात प्रचाराचा ज्वर चढला आहे. उमेदवारी माघारी घेण्याच्या चार नोव्हेंबरनंतर राज्यातील निवडणुकीच्या (Election) लढतीची चित्र स्पष्ट होईल. दरम्यान, दिवाळीच्या शुभेच्छा देताना, विरोधक आणि सत्ताधारी एकमेकांवर टीका करण्याची संधी सोडताना दिसत नाही.

शिवसेना'UBT'च्या खासदार प्रियंका चतुर्वेदी यांनी महायुतीवर जोरदार निशाणा साधला. "युतीची चर्चा करतात, ते खोटं पेरत आहेत. सत्तेसाठी यांची युती झाली. यांची सत्तेची भूक मोठी आहे. पंतप्रधान नरेंद्र मोदी (Narendra Modi) यांनी ज्यांच्यावर 70 हजार कोटी रुपयांच्या घोटाळ्याचा आरोप केला, त्यांनाच बरोबर घेऊन सत्तेत बसले आहेत. ते आता उपमुख्यमंत्री आहेत", असा घणाघात खासदार चतुर्वेदी यांनी केला.

"महायुतीमधील एकनाथ शिंदे यांची शिवसेना, अजित पवार यांची राष्ट्रवादी काँग्रेस आणि भारतीय जनता पक्ष महाराष्ट्राची विकास करत नाहीत, तर आपला विकास करत आहे. महायुती म्हणवतात, पण राज्यातील काही जागांवर हे तिन्ही पक्षांनी आपपाले उमेदवार एकमेकांसमोर उभे केले आहेत. या तिघांमध्ये ताळमेळ नाही. महायुती नसून, महा'झुठी' है, महाराष्ट्राला महा'लुटा' है अन् महा'भ्रष्टाचार' केला आहे", अशीही जोरदार टीका खासदार चतुर्वेदी यांनी केली.