BJP Candidate List : भाजपची तिसरी यादी जाहीर! 25 उमेदवारांची घोषणा, माळशिरस, आष्टी, नागपूरमधील शिलेदार ठरले

BJP Candidate List: भाजपने तिसऱ्या उमेदवारांची यादी जाहीर केली आहे. तिसऱ्या यादीमध्ये 25 उमेदवारांच्या नावाची घोषणा करण्यात आली असून मुर्तिजापूरमधू हरिश पिंपळे यांना उमेदवारी जाहीर झाली आहे. तर, कटोल मतदारसंघातून चरणसिंग बाबूलालजी ठाकूर यांना तर, माळशिरसमधून राम सातपुते यांना उमेदवारी जाहीर करण्यात आली आहे.

मतदारसंघ उमेदवार

मुर्तिजापूर - हरिश पिंपळे

कारंजा - सई डहाके

तेओसा - राजेश वानखेडे

मोर्शी - उमेश यावलकर

आर्वी - सुमित वानखेडे

कटोल -चरणसिंग ठाकूर

सावनेर - आशिष देशमुख

नागपूर पश्चिम - सुधाकर कोहले

नागपूर उत्तर - मिलिंद माने

साकोली - अविनाश ब्राह्मणकर

चंद्रपूर - किशोर जोरगेवार

आर्णी - राजू तोडसाम

उमरखेड - किशन वानखेडे

देगलूर -जितेश अंतापूरकर

डहाणू - विनोद मेढा

वसई - स्नेहा दुबे

बोरवली - संजय उपाध्याय

वर्सोवा - भारती लव्हेकर

घाटकोपर पूर्व- पराग शहा

आष्टी - सुरेश धस

लातूर शहर - अर्चना चाकूरकर

माळशिरस - राम सातपुते

कराड उत्तर - मनोज घोरपडे

पलूस कडेगाव - संग्राम देशमुख

माळशिरसमधून सातपुते

माळशिरस मतदारसंघातून राष्ट्रवादी काँग्रेस शरदचंद्र पवार पक्षाकडून उत्तम जानकर यांना उमेदवारी जाहीर करण्यात आली होती. त्यामुळे विद्यमान आमदार राम सातपुते यांना भाजप पुन्हा संधी देणार की नाही याची चर्चा होती. पहिल्या दोन यादीमध्ये सातपुते यांचे नाव नसल्याने उलटसुलट चर्चा सुरू होत्या. मात्र, आज जाहीर झालेल्या भाजपच्या तिसऱ्या यादीमध्ये माळशिरसमधून पुन्हा राम सातपुते यांना उमेदवारी जाहीर करण्यात आली आहे.

आष्टीत सुरेश धस

आष्टीमध्ये राष्ट्रवादी काँग्रेसचे विद्यमान आमदार बाळासाहेब आजबे आहेत. ते अजित पवारांच्या सोबत आहेत. त्यामुळे त्यांना पुन्हा उमेदवारी मिळण्याची शक्यता होती. मात्र, भाजपने या जागी आपला उमेदवार घोषित करत सुरेश धस यांना उमेदवारी जाहीर केली आहे.