Mahayuti Female Candidate : शिवसेना, राष्ट्रवादीच्या यादीत नाव असलेल्या 7 महिला उमेदवार कोण?

Maharashtra Vidhan Sabha Election: राष्ट्रवादी काँग्रेस आणि शिवसेने आपली पहिली उमेदवार यादी जाहीर केली आहे. राष्ट्रवादीकडून 38 उमेदवारांची तर, शिवसेनेकडून 45 उमेदवारांची घोषणा करण्यात आली आहे. भाजपने आपल्या पहिल्या उमेदवार यादीत 13 महिला उमेदवारांना स्थान दिले आहे.

उपमुख्यमंत्री अजित पवार यांच्या राष्ट्रवादी काँग्रेसकडून चार महिलांना उमेदवारी घोषित करण्यात आली.

श्रीवर्धनच्या विद्यमान आमदार आदिती तटकरे यांना राष्ट्रवादी काँग्रेसकडून पुन्हा उमेदवारी देण्यात आली आहे. तर, देवळाली मतदारसंघाच्या विद्यमान आमदार सरोज आहिरे तसेच पाथरी मतदारसंघातून निर्मला विटेकर यांना उमेदवारी देण्यात आली आहे.

सुलभा खोडकेंना उमेदवारी

काँग्रेसमधून निलंबित करण्यात आलेल्या आमदार सुलभा खोडके यांनी राष्ट्रवादी काँग्रेसमध्ये प्रवेश केला होता. त्यांना देखील अमरावती मतदारसंघातून राष्ट्रवादी काँग्रेसकडून उमेदवारी देण्यात आली आहे.

शिंदेकडून तीन महिलांना उमेदवारी

शिवसेनेकडून 45 उमेदवारांची घोषणा करण्यात आली आहे. त्यामध्ये साक्री मतदारसंघातून मंजुळाताई गावीत, जोगेश्वरी मतदारसंघातून मनीषा वायकर, भायखळा मतदारसंघातून यामिनी जाधव यांना उमेदवारी जाहीर झाली आहे.