Mumbai : दसरा मेळाव्यातील उध्दव ठाकरे यांच्या भाषणावरून भाजपचे सरचिटणीस विनोद तावडे चांगलेच संतापले आहेत. माजी पंतप्रधान अटल बिहारी वाजपेयी यांच्या कवितेतून त्यांनी ठाकरेंचा समाचार घेतला आहे. तर दुसरीकडे आज तावडेंना राज्य मंत्रिमंडलाच्या निर्णयानंतर गोपीनाथ मुंडे यांचीही आठवण झाली.
विनोद तावडे यांनी एक्सवर उध्दव ठाकरे यांच्या भाषणाची एक चित्रफीत पोस्ट केली आहे. यामध्ये ठाकरे म्हणत आहेत की, गाय ही राज्यमाता झाली असेल, मराठी अभिजात भाषा झाली, मग राज्याची राज्यभाषा कोणती? कारण राज्यमाता गाय आहे. मग गायीचा हंबरडा ही आपली राज्यभाषा होणार का?
ठाकरेंचा या विधानाचा तावडेंनी समाचार घेतला आहे. त्यांनी म्हटले आहे की, महाराष्ट्र सरकारने गोमातेला राज्य मातेचा दर्जा देत प्रशंसनीय काम केले. पण, सनातनविरोधी उध्दव ठाकरे यांना हे पटलेले नाही. हे पाहून मला अटलबिहारी वाजपेयी यांची कवितेच्या ओळी आठवतात.
‘हिन्दू कहने में शर्माते, दूध लजाते, लाज न आती, घोर पतन है, अपनी माँ को, माँ कहने में फटती छाती।‘ या कवितेच्या माध्यमातून विनोद तावडे यांनी ठाकरेंवर निशाणा साधला आहे. तर दुसरीकडे आज राज्य मंत्रिमंडळाच्या बैठकीत मुंबईतील पाच टोलनाक्यांवर हलक्या वाहनांना टोलमाफीचा निर्णय घेण्यात आला आहे. या निर्णयाचे तावडेंनी स्वागत केले आणि त्याचवेळी त्यांना मुंडेंचीही आठवण झाली.
टोलमाफीच्या निर्णयाचे स्वागत करताना तावडे यांनी म्हटले आहे की, मुंबईत प्रवेश करणाऱ्या हलक्या वाहनांना टोल माफ करण्याचा महाराष्ट्र सरकारचा निर्णय स्वागतार्ह आहे. यामुळे वेळ आणि इंधनाची बचत होणार आहे. महाराष्ट्र टोलमुक्त करण्याचे वचन दिवंगत गोपीनाथराव मुंडे यांनी दिले होते. त्याची आज पूर्तता होते आहे याचा आनंद आहे.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.