Chandrakant Patil Video : आमदार चंद्रकांत पाटलांची स्टंटबाजी! जीव धोक्यात घातला, बिबट्याला काठीनं मारलं

Chandrakant Patil News : आमदाराची स्टंटबाजी त्यांच्याच जीवावर बेतली असती. जळगाव जिल्ह्यातील मुक्ताईनगर शहरातील बस स्थानक परिसरात बिबट्या दिसल्याने नागरिकांमध्ये दहशतीचे वातावरण होते.बिबट्याला जेरबंद करण्यासाठी स्थानिक प्रशासनासह वनविभागाचे पथक घटनास्थळी दाखल झाले होते.

बिबट्याला पकडण्यासाठी एक पिंजरा देखील लावण्यात आला होता. मात्र, पिंजऱ्यातून बिबट्या निसट्याने परिस्थिती अधिकच तणावपूर्ण झाली होती. बिबट्याला पकडण्यासाठी एकनाथ शिंदेंच्या शिवसेनेचे आमदार चंद्रकांत पाटील हे देखील मैदानात उतरले होते.

बिबट्याला डार्ट (बेशुद्धतेचे इंजेक्शन) मारण्यात आले होते. त्याच दरम्यान, बिबट्या निसटत असताना चंद्रकांत पाटील यांना बिबट्याला गाठीने मारले. बिबट्या त्यांच्यावर हल्ला देखील करत होता. त्यात ते किरकोळ जखमी देखील झाले. आमदार पाटील यांच्या बिबट्याला पकडण्याच्या स्टंटबाजी अंगलट आली असती मात्र सुदैवाने मोठी दुर्घटना टळली, अशी चर्चा आहे.

दरम्यान, बिबट्याला काठीने मारण्याबाबत चंद्रकांत पाटील म्हणाले की, बिबट्या एका व्यक्तीवर हल्ला करण्याच्या तयारीत होता म्हणून त्याला काठीने मारले. तर, एकनाथ खडसे यांनी टीका करत म्हटले की, डार्ट मारले असताना बिबट्याला काठीने मारणे कायदेशीदृष्ट्या नियमबाह्य असून गुन्हा ठरू शकतो.

एका व्यक्तीवर बिबट्या हल्ला करण्याच्या तयारीत होता म्हणून आपण त्याला काठीने मारले. कौतुक करायचे सोडून खडसे टीका करत आहेत. ते विकृत आहेत हे त्यांचे राजकीय पोटदुखीचे राजकारण आहे.