Eknath Shinde MLA : एकनाथ शिंदेंचे 21 आमदार भाजपमध्ये जाणार? मुख्यमंत्री फडणवीसांनी मनात काय ते स्पष्ट सांगितले, म्हणाले, 'ते आमच्या...'

Nagpur News : नागपूरमध्ये विधिमंडळाचे हिवाळी अधिवेशनाला सोमवारपासून सुरुवात झाली आहे. त्याच काळात विरोधी पक्ष नेत्याची नेमणूक करण्यात न आल्याने विरोधकांनी सत्ताधारी महायुतीच्या सरकारवर जोरदार टीका केली आहे. त्यामुळे वातावरण चांगलेच तापले आहे. त्यातच आता एकनाथ शिंदे यांच्या शिवसेनेतील 21 आमदारांचा एक गट भाजपमध्ये प्रवेश करणार असल्याच्या जोरदार चर्चा रंगल्या आहेत. त्यावरून मुख्यमंत्री देवेंद्र फडणवीस यांनी प्रसार माध्यमाशी बोलताना नेमकी प्रतिक्रया दिली आहे.

एकनाथ शिंदे (Eknath shinde) यांच्या शिवसेनेचे 21 आमदाराना भाजपमध्ये प्रवेश देणार आहात का? याप्रश्नाला उत्तर देताना सीएम फडणवीस म्हणाले, 'एकनाथ शिंदे त्यांच्या शिवसेनेचे आमदार भाजपमध्ये घेण्यात काय अर्थ आहे. एकनाथ शिंदे यांचा पक्ष आमचा महायुतीमधील मित्रपक्ष आहे. त्यामुळे त्यांच्या पक्षातील आमदार भाजपमध्ये घेणार नसल्याचे त्यांनी स्पष्ट केले.

नागपुरातील विधिमंडळाचे हिवाळी अधिवेशनाला सोमवारपासून सुरुवात झाली असली तरी गेल्या काही दिवसापासून राज्यातील विरोधी पक्षाकडून मोठा आरोप केला जात आहे. येत्या काळात एकनाथ शिंदे यांच्या शिवसेनेत मोठी फूट पडणार असून मंत्रीमंडळातील एका मंत्र्यासोबत 21 आमदारांचा एक गट भाजपमध्ये प्रवेश करणार असल्याचा दावा माजी मंत्री आदित्य ठाकरे यांनी प्रसारमाध्यमाशी बोलताना केला आहे.

या विरोधकांकडून केल्या जात असलेल्या या दाव्यामुळे राज्यातील वातावरण चांगलेच तापले आहे. यावरून राज्य सरकारच्या कारभारावर टीका केली जात आहे. तर दुसरीकडे उद्धव ठाकरे यांच्या शिवसेनेच्या नेत्याने येत्या काळात आता एकनाथ शिंदे यांच्या शिवसेनेत मोठी फूट पडणार असल्याचे स्पष्ट करीत शिवसेनेचे काही आमदार भाजपच्या (BJP) संपर्कात असल्याचे त्यांनी स्पष्ट केले आहे.

त्यामुळे येत्या काळात शिंदे यांच्या शिवसेनेतील काही आमदार भाजपसोबत जाणार असल्याची प्रतिक्रिया दिल्यानंतर उद्धव ठाकरे यांच्या शिवसेनेच्या नेत्यांनी त्या वृत्ताला दुजोरा दिला असून येत्या काळात मोठ्या प्रमाणात महायुतीमध्ये इनकमिंग होत असल्याच्या वृत्ताला भाजप नेत्यांनी दुजोरा दिला आहे.