Gokul Court Case : सतेज पाटलांचा मोर्चा सुरू असतानाच कोर्टात सुनावणी, वकिलांचा जोरदार युक्तिवाद; म्हणाले, 'सरकारचा निर्णय...'

Gokul News : सतेज पाटलांनी कोल्हापूरमध्ये संघर्ष मोर्चा काढला आहे. हा मोर्चा निघाला असतानाच औरंगाबाद खंडपीठात गोकुळसंदर्भात सुनावणी सुरू आहे. समविचार आघाडीकडून अ‍ॅड. अभिषेक सिंघवी हे बाजू मांडत आहेत.

सरकारने सहकारी संस्थावर शासकीय संचालक नियुक्तीचा आणि त्यांचा मतदानाचा काढलेले आदेश पूर्णतः कायद्याच्या विरोधात आहे, असंवैधानिक आहे. त्यांचा उद्देश मुळात चूक आहे, असे युक्तावाद सिंघवी यांनी केला.

ते म्हणाले, अध्यक्ष निवडणूक जुन्या पद्धतीने व्हायला हवी सरकारचा आताचा निर्णय असा लागू करता येणार नाही. सरकारच्या आदेशाने ताकतीने बहुमत तयार करण्याचा प्रयत्न केला.

सरकारने आदेश काढण्याचे एक कारण सांगावे हा अध्यादेश पास करण्याचे फक्त एक कारण आहे. स्वतः निर्माण केलेले परिस्थिती या अध्यादेशासाठी साठी वापरली आणि या माध्यमातून सहकार क्षेत्र सोबत खेळण्यात आले, असे देखील त्यांनी आपल्या युक्तिवादात म्हटले.

सरकारडून युक्तिवाद

सरकारकडून युक्तिवाद करताना अ‍ॅड. मुकूल रोहतगी यांनी यांनी सरकारच्या आदेशाचे समर्थन केले. त्यांनी युक्तावादात सांगितले की, हा अध्यादेश समाजाहिताच्या दृष्टिने महत्त्वाचा आहे. फक्त एका सोसायटीसाठी हा कायदाआहे, असे म्हणणे चुकीचे आहे. अशा चार संस्था आहेत. सरकारने या संस्थाना नाममात्र किंमतीत जमीन दिली आहे.

मोर्चाला प्रचंड प्रतिसाद

सतेज पाटील यांनी काढलेल्या मोर्चाला प्रचंड प्रतिसाद मिळाला आहे. मोठ्या संख्येने शेतकरी, नागरिक यामध्ये सहभाहगी झाले आहेत. महायुतीच सरकारचा निषेध या मोर्चातून करण्यात आला आहे. दसरा चौक ते जिल्हाधिकारी कार्यालय असा काढलेल्या या मोर्चाचे रुपांतर सभेत झाले आहेत. शेतकरी नेते राजू शेट्टी, काँग्रेस आमदार विश्वजीत कदम, शरद पवारांच्या राष्ट्रवादीचे आमदार माजी मंत्री जयंत पाटील या मोर्चात सहभागी झाले आहेत.