Sudhakar Pathare News : महाराष्ट्रातील धडाकेबाज IPS सुधाकर पठारे यांचा अपघाती मृत्यू झाला आहे. नातेवाईकांसोबत ज्योतिर्लिंगाच्या दर्शनासाठी जात असताना त्यांच्या गाडीला अपघात झाला त्यामध्ये त्यांचा मृत्यू झाला. तेलंगणामधील नगर कुरनूल येथील श्रीशैलम जवळ आज रस्ते अपघात झाला. सुधाकर पठारे हे ट्रेनिंगच्या निमित्ताने हैद्राबादला गेले होते. तेथून ते नातेवाईकांसोबत दर्शनाला चालले होते.
डाॅ.पठारे हे 2011 बॅचचे IPS अधिकारी होते. सध्या ते मुंबईत डीसीपी म्हणून कार्यरत होते. त्यांचे मुळगाव अहिल्यानगर जिल्ह्यातील पारनेर तालुक्यातील वाळवणे हे आहे.
IPS पठारे हे राज्य सेवेतील अधिकारी होते. एमपीएससीच्या माध्यमातून ते 1995 ला जिल्हा विशेष लेखा परीक्षक झाले. यानंतर 1996 साली विक्रीकर अधिकारी वर्ग एक आणि त्यानंतर 1998 साली पोलिस उपअधीक्षक म्हणून त्यांची निवड झाली. पठारे यांचे शिक्षण एम.एस्सी. ॲग्री, एलएलबी झालेले .
सुधाकर पठारे हे कर्तव्यदक्ष अधिकारी म्हणून पोलिस दलात परिचित होते. त्यांनी वसई, चंद्रपूरचे अप्पर पोलिस अधिक्षक म्हणून काम केले होते. मुंबई, ठाणे, पुणे तसेच सीआयडीमध्ये आपली सेवा बजावली होती. गुन्हेगारांवर मोक्का, तडीपारी, एमपीडीए अशा प्रतिबंधात्मक कारवाईचा धडाका त्यांनी लावला होता.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.