खोपोली नगरपरिषद निवडणुकीनंतर शिवसेना कार्यकर्ते मंगेश काळोखे यांची निर्घृण हत्या झाली.
हत्या प्रकरणातील आरोपीच्या निकटवर्तीयाने सोशल मीडियावरून शिवसेना आमदारांच्या भाच्याला धमकी दिली.
या घटनेनंतर तात्काळ चौकशी आणि कठोर कारवाईची मागणी जोर धरू लागली आहे.
- कैलास म्हामले
खोपोली नगरपरिषदेच्या नुकत्याच पार पडलेल्या निवडणुकीनंतर शहरात गंभीर आणि धक्कादायक घटना घडली आहे. खोपोली येथील नगरसेविकेचे पती व शिवसेनेचे कार्यकर्ते मंगेश काळोखे यांची शुक्रवारी (२६ डिसेंबर) सकाळी निर्घृण हत्या करण्यात आली. या घटनेमुळे खोपोलीसह कर्जत–खालापूर परिसरात तणावाचे वातावरण निर्माण झाले आहे.
या हत्या प्रकरणात आतापर्यंत मुख्य आरोपी रविंद्र देवकर आणि दर्शन देवकर यांच्यासह अन्य 6 जणांना पोलिसांनी ताब्यात घेतले आहे. याशिवाय धनेश देवकर, सचिन चव्हाण, राष्ट्रवादी काँग्रेसचे जिल्हाध्यक्ष सुधाकर घारे व प्रवक्ते भरत भगत आणि रविंद्र देवकर याचा बाऊन्सर आणि अन्य 3 आरोपींचा कटात सहभाग असल्याचा उल्लेख करण्यात आला आहे.
हे हत्या प्रकरण ताजे असतानाच सोशल मीडियावरून आणखी एक गंभीर प्रकार समोर आला आहे. खोपोली हत्या प्रकरणातील आरोपी सुधाकर घारे यांचे निकटवर्तीय महेंद्र घारे यांनी सोशल मीडियावरील एका कमेंटमध्ये “पुढचा नंबर संकेत भासेचा” असा धमकीचा मजकूर लिहिल्याचे निदर्शनास आले आहे. या धमकीमुळे कर्जत शहरातही भीती व अस्वस्थतेचे वातावरण पसरले आहे.
या पार्श्वभूमीवर कर्जत येथील शिवसेनेचे नगरसेवक आणि आमदार महेंद्र थोरवे यांचे भाचे संकेत भासे आणि कर्जत शहर शिवसेनेच्या वतीने कर्जत उपविभागीय पोलीस अधिकारी तसेच कर्जत पोलीस ठाण्यात लेखी निवेदन देण्यात आले आहे. या निवेदनात महेंद्र घारे यांच्यावर यापूर्वीही गुन्हे दाखल असल्याचा उल्लेख करून, त्यांच्या सोशल मीडियावरील धमकीची सखोल चौकशी करून तात्काळ कठोर कारवाई करण्याची मागणी करण्यात आली आहे.
1) मंगेश काळोखे यांची हत्या कधी झाली?
➡️ शुक्रवार, 26 डिसेंबर रोजी सकाळी खोपोली येथे हत्या झाली.
2) ही धमकी कोणी दिल्याचा आरोप आहे?
➡️ आरोपी सुधाकर घारे यांच्या निकटवर्तीय महेंद्र घारे यांच्यावर आरोप आहे.
3) धमकी कुठे देण्यात आली?
➡️ सोशल मीडियावरील एका कमेंटद्वारे धमकी देण्यात आली आहे.
4) या प्रकरणात कोणती मागणी केली जात आहे?
➡️ धमकी प्रकरणाची सखोल चौकशी करून कठोर कारवाईची मागणी होत आहे.
5) सध्या खोपोलीतील परिस्थिती कशी आहे?
➡️ खोपोली व कर्जत–खालापूर परिसरात तणावपूर्ण वातावरण आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.