Mahad News, 26 Dec : एकनाथ शिंदेंच्या शिवसेनेचे मंत्री भरत गोगावले यांचा मुलगा विकास गोगावले यांचा महाड मारहाण प्रकरणी कोर्टाने अटकपूर्व जामीन अर्ज फेटाळल्यामुळे त्यांच्या अडचणीत मोठी वाढ झाली आहे.
तर अटकपूर्व जामीन फेटाळल्यापासून विकास गोगावले फरार असल्याचं सांगितलं जात आहे. विकास गोगावले यांच्यासह राष्ट्रवादीचे नाना जगतापही या मारहाण प्रकरणानंतर फरार असून या सर्व फरार आरोपींचा पोलिसांकडून शोध सुरू आहे.
2 डिसेंबर 2025 रोजी महाड नगरपरिषदेच्या निवडणुकीसाठी मतदान सुरू असताना विकास गोगावलेंसह शिवसेनेच्या पदाधिकारी आणि राष्ट्रवादीच्या कार्यकर्त्यांमध्ये जोरदार हाणामारी झाली. त्यानंतर दोन्ही बाजूच्या कार्यकर्त्यांनी परस्पर विरोधी गुन्हे महाड पोलिसांत दाखल केले.
त्यानंतर या प्रकरणी विकास गोगावले यांच्यासह 29 जणांच्या विरोधात गुन्हा दाखल करण्यात आला होता. गुन्हा दाखल होताच सर्व आरोपी फरार झाले. दरम्यान, विकास गोगावलेंनी अटकपूर्व जामीनासाठी कोर्टात अर्ज केला होता.
मात्र, माणगाव कोर्टाने दोन वेळा तर मुंबई कोर्टाने 1 वेळा त्यांचा हा जामीन अर्ज फेटाळला. त्यामुळे आता विकास गोगावले यांच्या अडचणी वाढल्या असून पोलिसांकडून त्यांचा शोध सुरू आहे. त्यामुळे आता गोगावले यांनी कधीही अटक होण्याची शक्यता आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.