Maharashtra Employees DA Hike Sarkarnama
महाराष्ट्र

Maharashtra Employees DA Hike : सरकारी कर्मचाऱ्यांना मोठा दिलासा! महागाई भत्त्यात वाढ, 1 जानेवारीपासूनचा फरक मिळणार, सोप्या भाषेत समजून घ्या!

Maharashtra Government Employees DA Increase: राज्य सरकारने सरकारी कर्मचाऱ्यांच्या महागाई भत्त्यात वाढ जाहीर केली आहे. १ जानेवारी २०२६ पासून वाढ लागू होणार असून थकबाकीचाही लाभ मिळणार आहे.

Mangesh Mahale

Maharashtra DA Hike News: राज्य सरकारने सरकारी कर्मचाऱ्यांसाठी मोठा दिलासा देणारा निर्णय घेतला आहे. महागाई भत्त्यात (DA) २ टक्क्यांची वाढ जाहीर करण्यात आली असून, त्यामुळे अधिकाऱ्यांचा DA आता ५८ टक्क्यांवरून थेट ६० टक्के झाला आहे. सामान्य प्रशासन विभागाने यासंदर्भातील शासन निर्णय (GR) जारी केला आहे.

सरकारच्या आदेशानुसार ही वाढ १ जानेवारी २०२६ पासून लागू करण्यात आली आहे. त्यामुळे जानेवारीपासूनचा फरकही संबंधित अधिकाऱ्यांना मिळणार आहे. केंद्र सरकारच्या वित्त मंत्रालयाने जारी केलेल्या आदेशानंतर महाराष्ट्र शासनाने हा निर्णय घेतल्याचे सांगितले जात आहे.

Also read:Maharashtra Teacher News: जनगणनेमुळे शिक्षक प्रशिक्षण अचानक पुढे ढकलले; शिक्षकांना मोठा दिलासा

या निर्णयाचा फायदा राज्य संवर्गातील अखिल भारतीय सेवेतील अधिकाऱ्यांना होणार आहे. यामध्ये IAS, IPS आणि IFS अधिकाऱ्यांचा समावेश आहे. यापूर्वी या अधिकाऱ्यांना ५८ टक्के दराने महागाई भत्ता मिळत होता. आता ६० टक्के दर लागू झाल्याने त्यांच्या मासिक पगारात वाढ होणार आहे.

महागाई वाढत असताना कर्मचाऱ्यांच्या खर्चातही सातत्याने वाढ होत आहे. अशा परिस्थितीत सरकारने महागाई भत्त्यात वाढ केल्यामुळे अधिकाऱ्यांना आर्थिक दिलासा मिळणार असल्याची प्रतिक्रिया व्यक्त केली जात आहे. विशेष म्हणजे, वाढीव DA सोबतच जानेवारी २०२६ पासूनची थकबाकीही नियमांनुसार अदा केली जाणार आहे. त्यामुळे अधिकाऱ्यांना एकरकमी रक्कम मिळण्याची शक्यता आहे.

Also read:Balbharati Textbooks: बालभारतीची पुस्तके बदलणार! पालकांनो, जुनी पुस्तके घेताना सावध राहा!

राज्य सरकारच्या या निर्णयाकडे सरकारी अधिकाऱ्यांसाठी महत्त्वाचा निर्णय म्हणून पाहिले जात आहे. महागाईच्या पार्श्वभूमीवर कर्मचाऱ्यांचे आर्थिक गणित सुधारण्यासाठी हा निर्णय फायदेशीर ठरणार असल्याचे बोलले जात आहे.

महागाई भत्त्यात किती वाढ झाली?

  • महागाई भत्त्यात वाढ – २%

  • आधी मिळणारा DA – ५८%

  • नवीन महागाई भत्ता – ६०%

  • लागू तारीख – १ जानेवारी २०२६

Also read:Pune Collector Decision: पुण्यात जमीन मोजणीसाठी खासगी भूमापकांची नियुक्ती; जिल्हाधिकाऱ्यांचा मोठा निर्णय

कर्मचाऱ्यांच्या पगारात किती वाढ होणार?

  • या वाढीमुळे राज्यातील लाखो शासकीय कर्मचारी आणि पेन्शनधारकांच्या मासिक पगारात वाढ होणार आहे.

  • वाढीव रक्कम ही कर्मचाऱ्यांच्या पदानुसार आणि वेतनश्रेणीनुसार वेगवेगळी असेल.

  • वाढत्या महागाईमुळे अनेक दिवसांपासून DA वाढीची मागणी होत होती.

  • आता सरकारच्या निर्णयामुळे कर्मचाऱ्यांना आर्थिक दिलासा मिळणार आहे.

कोणाला मिळणार फायदा?

  • ✔️ राज्य सरकारी कर्मचारी

  • ✔️ पेन्शनधारक

  • ✔️ अखिल भारतीय सेवेतील अधिकारी

सरकारनामाचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

SCROLL FOR NEXT