उमेश वाघमारे
Jalna News : 'मुख्यमंत्री माझी लाडकी बहीण योजना'महाराष्ट्रात महायुतीसाठी गेमचेंजर ठरली. विरोधकांनी विधानसभा निवडणुकीपुर्वी महायुती सत्तेवर आल्यानंतर ही योजना बंद करेल, अशी टीका केली होती. परंतु सरकारने डिसेंबरचे पैसे लाडक्या बहिणींच्या खात्यात जमा करत विरोधकांना तोंडघशी पाडले. पण लाडक्या बहीण योजनेतील लाभार्थी महिलांच्या अर्जांची छाणणी लावून त्यांना कात्री लावण्याचे काम युद्धपातळीवर सुरू केले.
जानेवारीचे पैसे अद्याप मिळालेले नाहीत, त्यातच उपमुख्यमंत्री तथा अर्थमंत्री (Ajit Pawar) अजित पवार यांनी जालन्यात बोलताना लाडक्या बहिणींना आणखी एक धक्का दिला. गरज नसणाऱ्यांना लाडकी बहीण योजनेचे पैसे मिळणार नसल्याचे त्यांनी स्पष्ट केले. ज्या महिलांचे वार्षिक उत्पन्न अडीच लाखांच्या पुढे आहे, त्यांना यापुढे लाडकी बहीण योजनेचे पैसे मिळणार नाहीत.
लाडकी बहीण ही योजना गरजवंत महिलांसाठी आहे, अशा शब्दात अजित पवार यांनी या योजनेचा लाभ घेणाऱ्या लाडक्या बहिणींच्या अर्जांची काटेकोरपणे तपासणी आणि निकषात न बसणाऱ्यांना वगळले जाणार याचे स्पष्ट संकेत दिले. (Jalna) जालना येथे राष्ट्रवादी पक्षाच्या जिल्हा कार्यालयाच्या उद्घाटनासाठी अजित पवार जालन्यात आले होते.
गरजवंत महिलांसाठी राज्य शासनाने लाडकी बहीण योजना सुरू केली आहे. परंतु, इन्कम टॅक्स भरणाऱ्या महिलांनीही या योजनेचा लाभ घेतला. त्यामुळे अडीच लाखाच्या आत वार्षिक उत्पन्न असणाऱ्या गरजवंत महिलांनाच यापुढे याजनेचे दीड हजार रुपये दर महिन्याला मिळतील. विरोधकांनी सत्ता आल्यानंतर लाडक्या बहिणीचे पैसे मिळणार नाहीत, असा कांगावा केला होता. परंतु, आम्ही वचनपूर्ती करणारे आहोत.
लाडकी बहीण योजनेसाठी तीन हजार 700 कोटींचा धनादेश महिला व बाल कल्याण विभागाला दिला आहे. त्यामुळे लाडक्या बहिणीचे पैसे येण्यास सुरुवात झाली असून 26 जानेवारी पर्यंत बहिणींच्या खात्यावर पैसे पडतील. ज्यांचे उत्पन्न महिना 20 ते 21 हजारांपेक्षा अधिक आहे, त्या महिलांनी स्वतःहून या योजनेच्या लाभाची गरज नाही, असे जाहीर केले पाहिजे,असे आवाहनही अजित पवार यांनी केले.
दरम्यान पक्षप्रवेश देताना चांगल्या कार्यकर्त्यांना पक्षात सामील करा. लोकांना फसवणाऱ्या व्यक्तींना पक्षात प्रवेश देऊ नका. पक्षात चांगले काम करणाऱ्या कार्यकर्त्यांना संधी देण्याचे काम यापुढे सर्वांनीच करावे. पक्षांतर्गत कुरघोड्या थांबवाव्यात, अशा सूचनाही अजित पवार यांनी पदाधिकारी कार्यकर्त्यांना दिल्या.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.