NCP Crisis News : 'बीड सभेच्या' पार्श्वभूमीवर अजितदादा-धनंजय मुंडेंची बैठक सुरू; कशी असणार रणनीती?

Mumbai News : राष्ट्रवादी काँग्रेस पक्षात फूट पडल्यानंतर पक्षाचे अध्यक्ष शरद पवार यांनी संघटनेच्या पुनर्बांधणी सभांचा धडका सुरू ठेवला. येवल्यानंतर त्यांनी बीड शहरात जाहीर सभा घेत पक्षातील फुटीरांपुढे आव्हानच निर्माण केले. यामुळे राष्ट्रवादी अजित पवार गटात अस्वस्थता पसरल्याची चर्चा आहे. (Ajit Pawar News)

बीडमधील शरद पवार यांच्या सभेनंतर अजित पवार गटाचीही सभा बीडमध्येच होत आहे. यामुळे दोन्ही गटात सुप्त संघर्षाचे चिन्हे दिसत आहेत. याच पार्श्वभूमीवर आता उपमुख्यमंत्री अजित पवार आणि कृषीमंत्री धनंजय मुंडे यांच्यात मुंबईत बैठक पार पडत आहे. (Latest Marathi News)

अजित पवार आणि कृषिमंत्री धनंजय मुंडे यांच्यात बैठक सुरू झाल्याचे समजते आहे. मंत्रालयात अजित पवार यांच्या दालनात ही बैठक सुरु असल्याची माहिती आहे. बीडमध्ये रविवारी होणाऱ्या सभेच्या पार्श्वभूमीवर या बैठकील विशेष महत्त्व आहे. सभेसोबतच बीड जिल्ह्यातील विकास कामे, प्रलंबित कामे आणि दुष्काळी परिस्थितीबाबत उपमुख्यमंत्री यांच्या सोबतच्या बैठकीत चर्चा होत असल्याचे बोलले जात आहे.

अजित पवारांच्या या बैठकीत मंत्री धनंजय मुंडे यांच्यासोबत आमदार प्रकाश सोळंके, माजी आमदार अमरसिंह पंडित, संजय दौंड, राजकिशोर मोदी हे देखील बैठकीला उपस्थित आहेत. यामुळे बीडमधील रविवारच्या सभेतून शरद पवार यांच्या गटाला कसे उत्तर द्यायचे? मतदारांपुढे आपली भूमिका काय ठेवावी, याबाबत रणनीती आखण्यात येणार आहे.