सावरगाव येथील भगवान गडावर भाजप नेत्या पंकजा मुंडे यांच्या दसरा मेळावा पार पडला. मेळाव्यात हजारो कार्यकर्ते उपस्थित होते. परंतु मेळाव्यादरम्यान काही कार्यकर्त्यांच्या असभ्य वागण्यामुळे पंकजा मुंडे संतापल्या.
भाषण सुरू असतानाच काही कार्यकर्ते जोरात घोषणाबाजी करत होते आणि गोंधळ घालत होते. पंकजा मुंडे अनेक वेळा त्यांना शांत राहण्याचे आवाहन केले, तरी ते बसत नव्हते. यावर नाराजी व्यक्त करत पंकजा मुंडे म्हणाल्या, “तुम्ही कुणाची सुपारी घेऊन आला आहात, माहिती नाही. 'माझा भगवान गडावरील मेळावा काढून घेतला गेला. तुम्ही कुणाची सुपारी घेऊन आला आहात माहिती नाही. तुम्ही शुद्धीवर नाही, तुम्हाला शरम वाटली पाहिजे. तुम्ही माझी माणसं नाहीत.”
पंकजा मुंडे म्हणाल्या की, “गोंधळ घालणाऱ्यांनी कितीही माझ्या नावाच्या घोषणा दिल्या तरी तुम्ही पवित्र होणार नाही. अशी बेशिस्ती मी यापूर्वी मेळाव्यात पाहिली नव्हती.” त्यांनी उपस्थितांना सांगितले की, भगवंतावर श्रद्धा ठेवणाऱ्यांनी अशा प्रकारची हुल्लडबाजी करू नये.
मेळाव्यात काही कार्यकर्ते हुल्लडबाजी करत होते. त्यांना उद्देशून पंकजा मुंडे म्हणाल्या, “माझ्या दसरा मेळाव्यामध्ये पूर्ण राज्यातून लोक येतात. मागच्या वर्षी लोक हलके वागत असत, पण तुम्ही का अशी असभ्य वागणूक देत आहात? भगवानबाबांवर श्रद्धा आहे तर धिंगाणा करणारी लोकं माझी असू शकत नाहीत.”
जातीवादाचे राक्षस उभे राहत आहेत. जातीपातीचा राक्षस जाळला पाहिजे. शेतकरी अडचणीत आहेत. पण शेतकऱ्यांला मदत करण्यासाठी मुख्यमंत्री फडणवीस, केंद्र सरकार पाठीशी आहे. आमचे मराठा आरक्षणाला पाठींबा आहे. पण आमची पहिल्यापासून भूमिका एकच आहे. आमच्या ताटातून नको.', असे देखील पंकजा मुंडे म्हणाल्या.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.