छत्रपती संभाजीनगर काँग्रेसमध्ये महिला पदाधिकाऱ्यांमधील वाद चव्हाट्यावर आला असून, उपोषण करणाऱ्या अनिता भंडारी यांच्यावर कारवाई झाली आहे.
भंडारी यांच्या उपोषणानंतर पक्षाने त्यांना शिस्तभंगाच्या कारणावरून थेट हाकालपट्टी दिली.
या घटनेमुळे काँग्रेस महिला आघाडीत तणाव निर्माण झाला असून, अंतर्गत मतभेद अधिक उघड झाले आहेत.
Chhatrapati Sambhajinagar : सर्वाधिक सदस्य नोंदणी करूनही काँग्रेस महिला जिल्हाध्यक्ष पद न मिळाल्याने नाराज असलेल्या पदाधिकारी अनिता भंडारी यांनी पक्ष कार्यालय असलेल्या गांधी भवनासमोर उपोषण सुरू केले होते. स्थानिक नेत्यांनी याची गंभीर दखल घेत महिला पदाधिकाऱ्याशी चर्चा केली. उपोषण मागे घ्या, तुमच्यावरील अन्याय दूर करू, अशी समजूत घातली आणि उपोषण संपवले. उपोषण संपवून काही तास उलटत नाही तोच शिस्तभंगाची नोटीस देत या महिला पदाधिकाऱ्याला पक्षातून थेट बाहेरचा रस्ता दाखवल्याने खळबळ उडाली.
छत्रपती संभाजीनगरमध्ये काँग्रेसच्या शहर जिल्हा महिला अध्यक्षपदावरून वाद विकोपाला गेला. अनिता भंडारी आणि नवनिर्वाचित जिल्हाध्यक्ष मिसाळ यांच्यात गेल्या काही दिवसांपासून वाद सुरू आहे. महिला प्रदेशाध्यक्षा संध्या सव्वालाखे यांनी काँग्रेस सदस्य नोंदणी मोहिमेच्यावेळी सर्वाधिक सदस्य नोंदणी करणाऱ्या महिला कार्यकर्त्याला जिल्हा अध्यक्षपदाची संधी दिली जाईल, असे आश्वासन दिले होते. प्रत्यक्षात सतराशे सदस्य नोंदणी करणाऱ्या दिपाली मिसाळ यांना हे पद देण्यात आले, असा आरोप भंडारी यांनी काही दिवसांपूर्वी केला होता.
एक लाखावर सदस्यांची नोंदणी करूनही मला या पदापासून वंचित ठेवण्यात आले, असा दावा करत अनिता भंडारी यांनी थेट दिल्लीत काँग्रेस भवनासमोर बेमुदत उपोषणाचा इशारा दिला होता. यानंतर स्थानिक नेत्यांनी त्यांची समजूत काढली होती. शिवाय भंडारी यांना पक्षाच्या प्रदेश महासचिव पदावर दिली होती. मात्र आपल्यावर अन्याय झाला म्हणत अनिता भंडारी यांनी शहागंज येथे गांधी भवनासमोर उपोषण सुरू केले.
ऐन निवडणुकीत काँग्रेस पक्षातील वाद चव्हाट्यावर आल्याने खासदार डॉ. कल्याण काळे यांच्यासह इतरांनी भंडारी यांना न्याय देण्याचे आश्वासन दिल्यानंतर त्यांनी उपोषण मागे घेतले. त्यानंतर काही वेळातच भंडारी यांना पदमुक्त करण्याचा निर्णय महिला प्रदेशाध्यक्षा संध्या सव्वालाखे यांनी घेतला. काँग्रेसच्या शहर जिल्हा महिला अध्यक्षपदावरून अनिता भंडारी यांनी प्रदेशाध्यक्षा संध्या सव्वालाखे यांच्यावर आरोप करत दिल्लीत आंदोलन करण्याचा इशारा दिला होता.
आपल्याला न्याय मिळावा या मागणीसाठी शनिवारी भंडारी यांनी समर्थकांसह उपोषण सुरू केले. दरम्यान सायंकाळी त्यांनी उपोषण मागे घेतले. प्रदेशाध्यक्ष हर्षवर्धन सपकाळ, खासदार डॉ. कल्याण काळे, जिल्हाध्यक्ष किरण पाटील डोणगावकर, शहराध्यक्ष युसुफ शेख यांच्यासोबत चर्चा झाल्यानंतर आठ दिवसात न्याय मिळेल असे, आश्वासन देण्यात आले.
यासंदर्भात शहराध्यक्षांनी माझ्यासोबत चर्चा केल्यानंतर उपोषण मागे घेतले, असे भंडारी यांनी सांगितले. दरम्यान काही वेळातच प्रदेशाध्यक्षा संध्या सव्वालाखे यांनी आदेश काढले. त्यात 'तुम्ही पक्षाच्या अंतर्गत बाबी सार्वजनिक जाहीर केल्यामुळे शिस्तभंग म्हणून महिला काँग्रेसच्या सर्व पदावरून पदमुक्त करण्यात येत आहे' असे पत्रात नमूद करत त्यांना बाहेरचा रस्ता दाखवला.
1. अनिता भंडारी यांनी उपोषण का केलं होतं?
त्यांनी पक्षातील अन्याय आणि स्थानिक नेतृत्वाच्या कारभाराविरोधात उपोषण सुरू केलं होतं.
2. काँग्रेसने अनिता भंडारींवर कारवाई का केली?
पक्ष शिस्तभंग केल्याचा आरोप करत त्यांना निलंबित करण्याचा निर्णय घेतला गेला.
3. संभाजीनगर काँग्रेसमध्ये महिला वाद नेमका कशामुळे झाला?
महिला पदाधिकाऱ्यांमधील अधिकार आणि नेतृत्वाच्या प्रश्नावरून मतभेद वाढले.
4. या घटनेचा काँग्रेसच्या प्रतिमेवर काय परिणाम होईल?
अंतर्गत वादामुळे स्थानिक पातळीवर पक्षाची प्रतिमा धोक्यात येऊ शकते.
5. अनिता भंडारी पुढे कोणत्या पक्षात जाण्याची शक्यता आहे का?
अद्याप त्यांनी कोणत्याही नव्या पक्षात प्रवेशाचा निर्णय घेतलेला नाही, मात्र राजकीय हालचाली सुरू आहेत.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.