CM Fadnavis Tuljapur visit : अधिवेशनानंतर तुळजापुरात पाऊल ठेवताच सीएम फडणवीस काय घोषणा करणार? तीर्थक्षेत्र विकास आराखाड्याचा घेणार आढावा

Dharashiv News : मुख्यमंत्री देवेंद्र फडणवीस मुख्यमंत्री झाल्यांनतर पहिल्यांदाच शनिवारी सकाळी साडेदहाच्या सुमारास तुळजाभवानी मातेच्या दर्शनासाठी येणार आहेत. त्यासोबतच यावेळी ते तुळजाभवानी मातेच्या मंदिराची पाहणी करणार आहेत. यावेळी ते तुळजापूर तीर्थक्षेत्र विकास आराखाड्याबाबतचा आढावा घेणार आहेत. अधिवेशनानंतर होत असलेल्या या दौऱ्याप्रसंगी मुख्यमंत्री देवेंद्र फडणवीस काय घोषणा करणार? याकडे सर्वांचे लक्ष लागले आहे.

मुख्यमंत्री देवेंद्र फडणवीस (devendra fadnavis ) शनिवारी सकाळी सव्वादहाच्या सुमारास ते सोलापुरहून तुळजापुरला येणार आहेत. यावेळी ते तुळजाभवानी मातेचे दर्शन करून मंदिराची पाहणी करणार आहेत. यावेळी ते तुळजापूर तीर्थक्षेत्र विकास आराखाड्याबाबतचा आढावा घेणार आहेत. त्यामुळे या दौऱ्यावेळी ते काय सूचना करणार याकडे सर्वांचे लक्ष लागले आहे.

दरम्यान, मुख्यमंत्री फडणवीस यांनी दुसऱ्यांदा मुख्यमंत्री पदाची शपथ घेतल्यानंतर पहिल्यांदाच ते तुळजापुरमध्ये तुळजाभवानी मातेच्या दर्शनासाठी येत आहेत. त्यासोबातच ते मंदिराची पाहणी करून या ठिकाणी सुरु असलेल्या विकास कामांचा आढावा घेणार असल्याने या दौऱ्याकडे सर्वांचे लक्ष लागले आहे.

दरम्यान, मुख्यमंत्री देवेंद्र फडणवीस हे उद्या पंढरपूरच्या दौऱ्यावर येत आहेत. पंढरपूर दौऱ्यात ते श्री विठ्ठलाचे दर्शन घेऊन मंदिर कामाची पाहणी करणार आहेत. विविध विकास कामांचे भूमिपूजन आणि त्यानंतर फडणवीस हे माजी आमदार प्रशांत परिचारक यांच्या घरी भेट देणार आहेत. फडणवीसांच्या तातडीने होणाऱ्या दौऱ्यात पंढरपूरसाठी काय घोषणा होणार का, याची उत्सुकता आहे.

फडणवीस हे तुळजापूरहून सकाळी साडेअकराच्या सुमारास पंढरपूरला येणार आहेत. पंढरपूर येथे विठ्ठलाचे दर्शन घेऊन ते मंदिराची पाहणी करणार आहेत. विठ्ठल-रुक्मिणी मंदिराचे जतन आणि संवर्धनाचे काम सध्या सुरू आहे, त्यासाठी राज्य सरकारने 74 कोटी रूपयांचा निधी दिली आहे. या कामाचाही ते आढावा घेतील, अशी माहिती आहे.