Beed Crime News : महादेव मुंडे यांच्या मारेकऱ्याची नावे समोर आल्यानंतरही त्यांना पोलीसांकडून अटक केली जात नाही. वेळोवेळी आंदोलनं, मागणी आणि आत्मदहनाचा इशारा दिला तरी आरोपी मोकाटच आहेत. न्याय मिळत नसल्याच्या भावनेतून काल महादेव मुंडे यांच्या पत्नी ज्ञानेश्वरी मुंडे यांनी पोलीस अधीक्षक कार्यालयातच विष प्राशन करून आत्महत्येचा प्रयत्न केला. त्यानंतर आज विजयसिंह उर्फ बाळा बांगर यांनी रुग्णालयात जाऊन त्यांची भेट घेतली.
त्यानंतर माध्यमांशी बोलताना बाळा बांगर यांनी आणखी गंभीर दावे करत खळबळ उडवून दिली आहे. महादेव मुंडे यांच्या हत्या प्रकरणातील आय विटनेसला वाल्मीक कराड (Walmik Karad) आणि प्रशासनातील लोकांनी संपवले आहे. एवढेच नाहीतर जेलमध्ये गेल्यापासून वाल्मीक कराडने जेलमधून 42 सराईत गुन्हेगारांचा जामीन केला आहे. ते सगळे सर्रास बीड जिल्ह्यात फिरत आहेत. वाल्मीक कराड हा जेलमधून बीड जिल्हा चालवत असल्याचा आरोप बाळा बांगर यांनी केला.
महादेव मुंडे हत्या प्रकरणातील आय विटनेसला वाल्मिक कराड आणि प्रशासनातील टोळीने संपवले आहे. एवढेच नाही, वाल्मिक कराडने जेलमध्ये गेल्यापासून सराईत गुन्हेगारांचा जामीन करून त्यांना बाहेर काढले आहे. (Beed News) आता ते सर्वजण बाहेर फिरत असून त्यांच्या माध्यमातूनच वाल्मिक कराड हा जेलमधून जिल्हा चालवत आहे. पोलीसांसमोर हे मोठे आव्हान असून त्यांनी सखोल तपास केला तर बऱ्याच गोष्टी समोर येतील, असा दावाही बांगर यांनी केला.
ज्ञानेश्वरी मुंडे म्हणाल्या, महिनाभर थांबणार..
दरम्यान, महादेव मुंडे यांच्या पत्नी ज्ञानेश्वरी मुंडे यांनी पतीच्या मारेकऱ्यांना अटक करण्यासाठी पोलीस अधीक्षकांनी एक महिन्याचे आश्वासन दिले आहे. त्यांची भूमिका सुरवातीपासून सकारात्मक आहे, आमच्या त्यांच्यावर विश्वास आहे. म्हणूनच मी आणखी एक महिना न्यायासाठी थांबणार आहे.
मला माझ्या मुलांसाठी न्याय हवा आहे, त्यांच्या मनात सुडाची भावना निर्माण होऊ नये, त्यांना चांगले आयुष्य जगता यावे, यासाठी माझे पती महादेव मुंडे यांच्या मारेकऱ्यांना शिक्षा होणे गरजेचे आहे. मी एक महिना थांबणार आहे, त्यानंतरही आरोपींना अटक केली नाही तर मी पुन्हा एसपी ्आॅफीस समोर येऊन आत्मदहन करेल, असा इशाराही ज्ञानेश्वरी मुंडे यांनी दिला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.