Tanaji Sawant On Heavy Rain : तुम्ही सरसकट पंचनामे करा, बाकीचं मुख्यमंत्री-उपमुख्यमंत्री आम्ही बघून घेऊ! तानाजी सांवत यांचा तहसीलदारांना फोन..

Dharashiv News : राज्यासह मराठवाड्यात सध्या अतिवृष्टी आणि पावसाने थैमान घातले आहेत. शेती, पिकं, जनावरे, घरांचे मोठ्या प्रमाणात नुकसान झाले आहे. मराठवाड्यात या पावसाने अकराहून अधिक बळी घेतली आहे. अशा संकटाच्या वेळी आपल्या मतदारसंघातील नुकसानीचे तातडीने पचंनामे होऊन शतेकरी व नागरिकांना दिलासा मिळावा, यासाठी लोकप्रतिनिधींचे प्रयत्न सुरू आहेत. भूम-परांडा मतदारसंघाचे शिवसेनेचे विद्यमान आमदार सध्या पुण्यात आहेत. मतदारसंघात पावसामुळे नुकसान झाल्याची माहिती कळल्यानंतर त्यांनी थेट तहसिलदारांना फोन लावला.

मतदारसंघातील पंचनामे करण्यास टाळाटाळ केली जात असल्याच्या तक्रारी माझ्याकडे येत आहेत. तहसीलदार साहेब तुम्ही लक्ष घाला, एकही गाव, गट, गण वगळता कामा नये. पत्येक ठिकाणी सरसकट पंचनामे करा, खालची यंत्रणा व्यवस्थित काम करतं नसेल तर तुम्ही आढावा घ्या. पण एकही गाव पंचनाम्यातून सुटणार नाही, याकडे लक्ष द्या. (Shivsena) बाकी आम्ही मुख्यमंत्री-उपमुख्यमंत्र्यांशी बोलून काय करायचे ते बघून घेऊ, अशा शब्दात तहसीलदारांना सूचना दिल्या.

तहसीलदारांशी झालेल्या आमदार सावंत यांच्या या संवादाचा व्हिडिओ सध्या सोशल मिडियावर चांगलाच व्हायरल होत आहे. गेल्या काही दिवसापासून आमदार तानाजी सावंत (Tanaji Sawant) हे मतदारसंघाकडे लक्ष देत नाहीत, निवडून आल्यापासून ते मतदारसंघात फिरकलेच नाही, अशी टीका विरोधकांनी त्यांच्यावर केली होती. एवढेच नाही तर त्यांना मतदारसंघासाठी वेळ नसेल तर त्यांनी राजीनामा द्यावा, अशी मागणीही करण्यात आली होती. या पार्श्वभूमीवर आज पुण्यातून त्यांनी मतदारसंघात अतिवृष्टीमुळे झालेल्या नुकसानीच्या पंचनाम्यासाठी तहसीलदारांना फोन करत सूचना दिल्याने याची चर्चा होत आहे.

या पार्श्वभूमीवर आज पुण्यातून त्यांनी मतदारसंघात अतिवृष्टीमुळे झालेल्या नुकसानीच्या पंचनाम्यासाठी तहसीलदारांना फोन करत सूचना दिल्याने याची चर्चा होत आहे. महायुती सरकारची सत्ता आल्यानंतर नव्या मंत्रीमंडळात तानाजी सावंत यांचा समावेश करण्यात आला नाही. तेव्हापासून ते नाराज असल्याच्या चर्चा होत्या.

मतदारसंघात न फिरकण्यामागे त्यांची ही नाराजीच कारणीभूत असल्याचे बोलले जात होते. तर त्यांची प्रकृती बरी नसल्याने त्यांच्यावर पुण्यातील खासगी रुग्णालयात उपचार सुरू असल्याचे त्यांच्याकडून सांगितले गेले. अजूनही सावंत हे पुण्यातच आहेत. परंतु अतिवृष्टीचा तडाखा मतदारसंघाला बसल्यानंतर सावंत यांनी यात लक्ष घालत सरसकट पंचनामे करण्याचे आदेश तहसीलदारांना दिले आहेत.