Sambhajinagar Cabinet Meeting : मंत्रिमंडळाची बैठक होऊच नये म्हणून विरोधकांचे प्रयत्न; ... फडणवीसांचा आरोप !

Chhatrapati Sambhajinagar News : राज्य मंत्रिमंडळाची छत्रपती संभाजीनगरमध्ये बैठक संपली आहे. या बैठकीतून कोणते निर्णय घेतले याची माहिती देण्यासाठी मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार यांची एकत्रित पत्रकार परिषद पार पडत आहे. या वेळी फडणवीस यांनी काही निर्णयांवर निवेदन करतानाच विरोधकांवर टीका केली. (Latest Marathi News)

फडणवीस म्हणाले, "मंत्रिमंळाची बैठक मराठवाड्यात होत आहे. विरोधकांनी बैठक होऊच नये, असादेखील प्रयत्न केला. जे स्वत: काही करू शकले नाहीत, असे लोक नाव ठेवण्याचे काम करतात. तुम्ही अडीच वर्षांत काय केलं?" अशा शब्दांत फडणवीसांनी विरोधकांवर हल्लाबोल केला.

शेवटची बैठक कधी? काय झालं?

४ ऑक्टोबर २०१६ रोजी मंत्रिमंडळाची बैठक पार पडली होती. त्या बैठकीत एकूण ३१ निर्णय घेण्यात आले. यामध्ये एकूण २२ विषय अवगत केले गेले, तर काही विषयांवर निर्देश देण्यात आले होते. या सर्व ३१ विषयांचा आढावा २०१७ मध्ये घेतला. तेव्हा १० विषय कार्यवाही प्रक्रिया झाली होती . उर्वरित १५ विषयांवर कार्यवाही करण्याचे नियोजन टप्प्यात होते, तर एकूण ६ विषयांवरील कार्यवाही राहिली होती. आज २०२३ चा जेव्हा आपण विचार करतो तेव्हा एकूण ३१ विषयांपैकी २३ विषय पूर्णदेखील झालेले आहेत. ७ विषयांवर कार्यवाही सुरू झाली.