BJP MLA Video : महाराष्ट्रातील सर्वात श्रीमंत भाजप आमदार रस्त्यावर भिकारी बनून फिरला! व्हिडिओ व्हायरल; नेमकं कारण काय?

Parag Shah News : महाराष्ट्राच्या विधानसभेत सर्वात श्रीमंत आमदार पराग शाह हे आहेत. मुंबईतील पूर्व घाटपोर मतदारसंघाचे ते प्रतिनिधीत्व करतात. आमदार शाह हे घाटकोपरमधील रस्त्यांवर भिकारी बनून फिरत असल्याचा धक्कादायक व्हिडिओ समोर आला. मात्र, या व्हिडिओतील सत्य वेगळेच असल्याचे नंतर समोर आले.

पराग शाह यांची संपत्ती तीन हजार कोटींपेक्षा अधिक आहे. ते काही तास घाटकोपरच्या रस्त्यांवर भिकाऱ्याच्या वेष धारण करून फिरले. काही लोकांनी त्यांना मदत केली, खाण्यास दिले.तर, काही जणांनी त्यांना हाकलून लावले. मात्र, असे भिकारी होऊन फिरण्यामागचे कारण म्हणजे पराग शाह यांना त्यांच्या गुरुंनी दिलेला आदेश.

शाह यांचे गुरु नम्रमुनी यांनी शाह यांना एक दिवस भिकारी बनण्याचा अनुभव घ्यावा, असे सूचवले. त्यानंतर गुरुच्या आदेशाचे पालन करण्यासाठी पोलिस संरक्षण, सुरक्षाव्यवस्था, महागड्या गाड्या बाजुला ठेवत ते घाटपोरच्या रस्त्यांवर भिकाऱ्याच्या वेष धारण करून फिरले.

पुन्हा त्या ठिकाणी गेले...

भिकाऱ्याच्या वेषात त्यांनी रस्त्याच्या कडेला बसून खाल्ले, मदत मागितली. काही ठिकाणी चांगला अनुभव आला तर काही ठिकाणी त्यांना हुसकावून लावण्यात आले. दरम्यान, भिकाऱ्याच्या मेकअप काढून ते पुन्हा त्या ठिकाणी गेले आणि तेथील लोकांशी चर्चा देखील केल्याचे व्हिडिओत दिसत आहे.