मुंबई महानगरपालिकेकडून आपल्या कामगारांसाठी बोनस वाढवण्याची शक्यता आहे.
बोनसची रक्कम 500 ते 1000 रुपयांनी वाढवली जाणार असल्याचे सांगितले जात आहे.
ही घोषणा आगामी महापालिका निवडणुकांच्या पार्श्वभूमिवर होण्याची शक्यता आहे.
Mumbai News : राज्यातील स्थानिक स्वराज्य संस्थांच्या निवडणुकीचे पडघम वाजू लागले आहेत. सर्वोच्च न्यायालयाने 31 जानेवारी 2026 पर्यंत स्थानिकच्या निवडणूका घेण्याचे आदेश दिले आहेत. यादरम्यान महानगर पालिका आणि जिल्हा परिषेदांसह नगरपालिकेच्या प्रारूप आरखडाही प्रसिद्ध करण्यात आला आहे. आता हरकतींवर काम सुरू असून लवकच आरक्षणही जाहीर करण्यात येईल. यादरम्यान मुंबई महानगरपालिकेकडून आपल्या कामगारांना खुश करण्यासाठी मोठी घोषणा होण्याची शक्यता आहे. बोनसची रक्कम 500 ते 1 हजार रुपयाने वाढवली जाण्याची शक्यता वर्तवली जात आहे. यामुळे मुंबई महानगरपालिकेसह ठाणे नवी मुंबई व अन्य महानगरपालिकेच्या कामगार आणि अधिकाऱ्यांची दिवाळी होणार आहे. ही घोषणा महानगरपालिकेच्या निवडणुकांच्या पार्श्वभूमिवर होण्याची शक्यता आहे.
महानगरपालिकेच्या निवडणुकांच्या पार्श्वभूमिवर सध्या राज्यातील सर्वच स्थानिक स्वराज्य संस्थांमध्ये जोरदार तयारी केली जात आहे. यामध्ये मतदार याद्यांसह प्रभाग रचनेवर काम सुरू झाले आहे. सध्या प्रभाग रचना जाहीर झाली असून हरकतींवर सुनावनी अनेक ठिकाणी सुरू आहे. आता आरक्षण पडल्यानंतरच खरी टक्कर पाहायला मिळणार आहे.
एकीकडे राजकीय पक्ष आरक्षण पडण्याची वाट न पाहता मतदारदाराला खूश करण्यासाठी मोर्चे बांधणी करताना दिसत आहेत. चांगलेच चेहरे हेरून आपला पक्ष आधिच मजबूज करण्याकडे सर्वच पक्षांचा कल दिसत आहे.
तर मुंबई महानगरपालिकेसह ठाणे नवी मुंबई व अन्य महानगरपालिकेच्या कामगार आणि अधिकाऱ्यांना खूश करण्यासाठी मोठा निर्णय घेतला आहे. पालिका कर्मचार्‍यांना 20 टक्के बोनस मिळावा अशी मागणी दि म्युनिसिपल युनियनचे अध्यक्ष रमाकांत बने यांनी केली आहे. जो पगार 66 हजार होता. ही रक्कम देणे महापालिका प्रशासनास शक्य नसल्याने यावर गेल्या वर्षीपेक्षा यंदा बोनसची रक्कम वाढवून तोगडा पाडण्याची शक्यता वर्तवली जातेय.
गेल्यावर्षी महापालिका कर्मचार्‍यांसह अन्य कर्मचार्‍यांना दिवाळीचा बोनस 29 हजार रुपये अदा करण्यात आला होता. यात यंदा किमान 500 ते 1000 रूपयांची वाढ होण्याची शक्यता आहे. याची तयारी महापालिका प्रशासनाने देखील केल्याचे वृत्त आहे. तर यात मुख्यमंत्री देवेंद्र फडणवीस व उपमुख्यमंत्री एकनाथ शिंदे लक्ष घालतील. तर या प्रश्नावर नवरात्रोत्सवानंतरच तोडगा निघण्याची शक्यता आहे.
सध्याच्या उडीला मुंबई महानगरपालिकेत सुमारे 1 लाख कर्मचार्‍यांसह अनुदानप्राप्त खासगी प्राथमिक शाळेतील शिक्षणसेवक, माध्यमिक शाळेतील शिक्षक व शिक्षकेतर कर्मचारी (अनुदानित-विनाअनुदानित), माध्यमिक शाळेतील शिक्षण सेवक (अनुदानित व विनाअनुदानित), अध्यापक विद्यालय अधिव्याख्याते शिक्षकेतर कर्मचारी (अनुदानित व विनाअनुदानित), अध्यापक विद्यालय शिक्षण सेवक (पूर्ण वेळ) (अनुदानित व विनाअनुदानित) व बेस्टमधील कर्मचारी आहेत. या सर्वांना गेल्या वर्षीपेक्षा यंदा बोनसची रक्कम वाढवून देण्याची तयारी पालिका प्रशासनाची सुरू आहे.
1. कोण बोनस वाढवण्याची घोषणा करणार आहे?
मुंबई महानगरपालिका.
2. बोनस किती रुपयांनी वाढण्याची शक्यता आहे?
500 ते 1000 रुपयांनी.
3. ही घोषणा कोणासाठी आहे?
मुंबई महापालिकेच्या कामगारांसाठी.
4. ही घोषणा निवडणुकांशी संबंधित आहे का?
होय, ही घोषणा निवडणुकांच्या पार्श्वभूमिवर होण्याची शक्यता आहे.
5. बोनस वाढीमुळे कोणाला फायदा होईल?
महापालिकेच्या सर्व कामगारांना.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.