Anant Garje Arrest : मोठी बातमी! पंकजा मुंडेंचा पीए अनंत गर्जेला अटक; मध्यरात्री पोलिसांनी फास आवळला!

Gauri Death Case : मंत्री पंकजा मुंडे यांचा पीए अनंत गर्जे यांच्या पत्नी गौरी गर्जे-पालवे यांनी शनिवारी सायंकाळी साडेसहा वाजता आत्महत्या केली होती. गौरीच्या आई-वडिलांनी ही आत्महत्या नसून हत्या असल्यचा आरोप केला होता. दरम्यान, या प्रकरणी वरळी पोलिस ठाण्यात गुन्हा दाखल करण्यात आला होता. त्यानंतर अनंत गर्जे हा फरार झाला होता. अखेर वरळी पोलिसांनी रविवारी मध्यरात्री एक वाजता अटक केली.

गौरीच्या वडिलांनी धक्कादायक दावा केला होता की, अनंत गर्जे यांचे एका किरण नावाच्या महिलेशी अनैतिक संबंध होते. तिचा गर्भपात लातूर येथील दवाखान्यात करण्यात आला होता. गर्भपाताच्या कागदपत्रांवर पती म्हणून अनंत गर्जे याचे नाव होते. ही कागदपत्र गौरीला सापडल्याने तिचा अनंतकडून मानिसक छळ केला जात होता.

पोस्टमार्टम झाल्यानंतर गौरीच्या मृतदेह अंत्यविधी करण्यासाठी तिच्या वडिलांनी बीडला घेऊन गेले. मात्र, त्यावेळी अंत्यविधीसाठी न जाता अंनत गर्जे हा फरार होता. वरळी पोलिस ठाण्यात त्याच्या विरोधात गौरीला आत्महत्येसाठी प्रवृत्त केल्याचा गुन्हा दाखल करण्यात आला होता. शिवाय त्याचा भाऊ आणि बहीण यांच्यावर देखील गौरीचा छळ केल्याप्रकरणी गुन्हा दाखल करण्यात आला आहे.

अनंत गर्जे याने गौरीच्या आत्महत्येनंतर स्पष्टीकरण देताना गौरीनी आत्महत्या केली त्यावेळी आपण घरी नव्हते असे सांगितले. आपण घरी आल्यानंतर घराचा दरवाजा बंद होता. त्यावेळी 31 व्या मजल्यावरून 30 मजल्यावर असलेल्या आपल्या घरात खिडकीतून शिरलो. त्यावेळी गौरीने आत्महत्या केल्याचे दिसले. दरम्यान, गौरीच्या आत्महत्ये प्रकरणी गुन्हा दाखल झाल्यापासून अनंत फरार झाला होता.