सोलापूर : बार्शीचा (Barshi Scam) हर्षद मेहता अशी ओळख असलेल्या विशाल फटे (Vishal Phate) याच्या विरोधात आतापर्यंत 129 जणांच्या तक्रारी आल्या असून, फसवणुकीची रक्कम 25 कोटी रुपयांवर गेली आहे. त्यातच आता विशाल फटे प्रकरणात मोठी घडामोड घडली आहे. विशाल फटेच्या भावाला जामीन मंजूर झाला आहे.
विशालचा भाऊ वैभव अंबादास फटे याला वार्शी सत्र न्यायालयाने (Court) जामीन मंजूर केला आहे. 1 लाखाच्या जातमुचलक्यावर न्यायालयाने जामीन मंजूर केला. अशी माहिती विशाल फटेचे वकिल विशालदीप बाबर यांची दिली. फसवणूक प्रकरणात फटेसह 4 जाणांवर गुन्हा दाखल करण्यात आला आहे. फटे याचे वडील अंबादास फटे आणि भाऊ वैभव फटे व पत्नी यांना 16 जानेवारीला पोलिसांनी (Police) अटक केली होती. त्यानंतर आता न्यायालयाने वैभव फटेला जामीन मंजूर केला आहे.(Barshi Scam News Updates)
दरम्यान, शेअर बाजारात (Share Market) पैसे गुंतवून कमी कालावधीत जास्त पैसे मिळवून देण्याचे आमिष विशाल फटने गुंतवणूकदारांना दाखविले होते. गुंतवणूकदारांचा विश्वास बसेपर्यंत सुरवातीला तो सुरवातीला पैसे परत करत होता. तो एकाकडून घेतलेले पैसे दुसऱ्या गुंतवणूकदाराला देत असे. या पद्धतीने शेअर बाजारात गुंतवणूक न करताही पैसे फिरवत होता. नंतर गुंतवणूकदार वाढल्यानंतर हे त्याच्यासाठी अशक्य झाले. अखेर तो सगळे सोडून फरार झाला होता. त्यानंतर पोलिसांनी त्यांच्या कुटुंबियांना अटक केली होती. (Vishal Phate News)
गुंतवणूकदारांच्याच पैशातून फटेने 45 लाखांची चारचाकी घेतली. याचबरोबर त्याने बार्शीत तब्बल तीन-तीन कोटी रुपयांची दोन घरे बांधली. दरम्यान, गुंतवणूकदारांनी पैशासाठी तगादा लावत त्याचे ऑफिस गाठण्यास सुरवात केली होती. गुंतवणूकदारांचे पैसे घालवल्याने आणि परत देण्यासाठी पैसे नसल्याने तो पसार झाला होता. त्यानंतर तो स्वत:हून पोलिसांसमोर शरण आला होता. फटे उद्यापर्यंत (ता.2) पोलीस कोठडीत आहे. पोलिसांनी फटेचे संगणक जप्त केले असून, लॅपटॉप व मोबाईल तपासणीसाठी फॉरेन्सिक लॅबला पाठविले आहेत. फटेच्या व्यवहारांचे लेखापरीक्षण सुरू असून चार्टर्ड अकांउंटकडून याबाबत पोलिसांनी लवकरच अहवाल मिळणार आहे. त्यातून फटेने गुंतवणूकदारांची रक्कम नेमकी कुठे गुंतवली, हे उघड होईल.
विशाल फटेचे मंगळवेढ्यात जुने घर असून, त्याच्या वडिलांच्या नावावर पाच ते सहा एकर शेतजमीन आहे. पोलिसांनी बार्शीचे मुख्याध्याधिकारी व तहसिलदारांना पत्र देऊन फटे व त्याच्या कुटुंबीयांच्या नावावरील मालमत्तांची माहिती मागविली आहे. त्याच्या भावाने सुमारे 15 तोळे सोने स्वत:हून पोलिसांकडे जमा केले आहे. फटे आणि कुटुंबीयांच्या संपूर्ण मालमत्तांचे मूल्यांकन झाल्यावर गुंतवणूकदारांची यादी जिल्हाधिकारी मिलिंद शंभरकर यांना सादर केली जाणार आहे. यानंतर ही मालमत्ता विकून गुंतवणूकदारांचे पैसे परत केले जाऊ शकतात, असे सूत्रांनी सांगितले आहे.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.