Kolhapur News: कोल्हापुरात आज राधानगरी रोडवर असणाऱ्या पुईखडी येथे बेवारस व्यक्तीचा सडलेल्या अवस्थेत मृतदेह सापडला. या व्यक्तीची ओळख पेटवण्याचे काम सुरु असताना धक्कादायक बाबा उघडकीस आली. ज्या ठिकाणी आपलं कुटुंब उद्धवस्त झालं त्याच ठिकाणी एका बापानं स्वतःच आयुष्य संपवलं. विराट गौतम असं या मृत व्यक्तीचं नाव असून तो पुण्याचा रहिवासी आहे. करवीर पोलिसांनी घटनस्थळी भेट दिल्यानंतर ही घटना उघडकीस आली.
२२ नोव्हेंबर २०२३ रोजी कोल्हापूर शहराजवळ, राधानगरी मार्गावरील पुईखडी येथे घाटात मध्यरात्री गोव्याहून पुण्याला जाणाऱ्या खासगी बसचा अपघात झाला होता. चालकाचं वाहनावरील नियंत्रण सुटल्यामुळं घाटातच ही बस उलटली होती. गोव्याहून पुण्याकडं जाणारी ही खाजगी स्लीपर कोच बस होती. अचानक झालेल्या या घटनेमुळं एकाच कुटुंबातील तिघांचा मृत्यू झाला होता. यामध्ये निळू गौतम (वय ४३), रिद्धिमा गौतम (वय १७) आणि सार्थक गौतम (वय १३) या पुण्यातील कात्रज भागात राहणाऱ्या एकाच कुटुंबातील व्यक्तींचा मृत्यू झाला होता. तर या कुटुंबातील वडील विराट गौतम या अपघातातून बचावले होते.
या घटनेला अडीच वर्ष उलटून गेल्यानंतर विराट गौतम या अपघातातून सावरले नव्हते. आज सकाळी पुईखडी घाटातून प्रवाशांना दुर्गंधी येत असल्यानं घाटात पाहणी केली असता सडलेल्या अवस्थेत एका पुरुषाचा मृतदेह आढळला, याची माहिती करवीर पोलिसांना देण्यात आली. यावेळी बघ्याची मोठी गर्दी झाली होती, सुरुवातीला ही व्यक्ती बेवारस असल्याचं सांगितलं गेलं. मात्र, शेजारी असणाऱ्या बॅग आणि मोबाईलची तपासणी केली असता त्याची ओळख पटली.
तीन वर्षापूर्वी झालेल्या अपघातात पत्नी आणि मुलांना गमावल्याच्या धक्क्यातून ते आजही सावरले नव्हते. त्यामुळं नैराश्यातून विराट गौतम यांनी टोकाचा निर्णय घेतला आणि ज्या ठिकाणी तो अपघात झाला होता त्याच ठिकाणी येऊन त्यांनी सोशल मीडियावर पोस्ट लिहीत त्यात आपण आत्महत्या करत असल्याचं म्हटलं. त्यानंतर त्यांचा मृतदेह आढळून आल्यानं याप्रकरणी आता हळहळ व्यक्त होत आहे.
आज kolhapur में देह त्याग कर दिया है। पता नहीं कैसे जी रहा हूँ, कुछ लोग दुनिया में ऐसे होते हैं, जिनके बिना जीना मुश्किल लगता है. ऐसा लगता है कि ये दुनिया से गया तो हम कैसे जी पाएंगे. मेरी दुनिया खत्म उसी वक्त हो गयी मैं समझ नहीं पा रहा हूं कि फिर भला कैसे नीलू रशिका सर्विल के बिना मैं ढाई साल तक जी।
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.