Solapur, 12 August : मला मुंबईतील आमदार निवासात अजूनही रूम मिळालेली नाही. त्याचं कारण असं की, माझ्या मतदारसंघाचे (सांगोला) माजी आमदार शहाजीबापू पाटील यांनी आरोग्याच्या कारणामुळे आमदार निवासातील खोली सोडलेली नव्हती, त्यामुळे मी विधानसभेत आमदारांच्या निवासाचा मुद्दा मांडला होता. मी आजही कधी आमदार नारायण पाटील यांच्या तर कधी समाधान आवताडेंच्या रुमवर जातो, असे आमदार डॉ. बाबासाहेब देशमुख यांनी सांगितले.
आमदार डॉ. बाबासाहेब देशमुख (Dr. Babasaheb Deshmukh) यांनी सांगितले, विधीमंडळाच्या पावसाळी अधिवेशनात मी विधानसभेत आमदारांच्या निवासाचा प्रश्न उपस्थित केला. कारण माझ्यासह अनेक नव्या आमदारांना रुम मिळालेली नाही. त्या सर्वांची सोय व्हावी आणि मतदारसंघातून येणाऱ्या गोरगरीब जनतेची मुंबईसारख्या ठिकाणी राहण्याची सोय व्हावी, या उद्देशातून मी तो प्रश्न उपस्थित केला होता.
ते म्हणाले, माझ्या सांगोला मतदारसंघाचे माजी आमदार शहाजीबापू पाटील (ShahajiBapu Patil) यांनी आरोग्याच्या कारणामुळे आमदार निवासातील खोली सोडलेली नव्हती. मी वैद्यकीय क्षेत्रातील विद्यार्थी असून माझी भावना अशी असते की, एखादा रुग्ण असेल तर त्याची सेवा करण्याची आपली जबाबदारी आहे.
माझी मागणी अशी होती की, अधिवेशनाच्या काळात माझासारखे नव्याने निवडून आलेले ७७-७८ आमदार आहेत आणि इतरही काही आमदार आहेत, त्यांची राहण्याची सोय नाही. या आमदारांची विधीमंडळाच्या आवारात असणाऱ्या शासकीय विश्रामगृहात राहण्याची सोय करण्यात यावी, अशी मागणी होती. विधीमंडळाच्या परिसरात असलेल्या विश्रामगृहात आमची आमदारांची राहण्याची सोय होत नाही. पण अधिकारी आणि मंत्र्यांच्या नावाखाली कॉन्ट्रक्टर राहतात. त्यावर माझा आक्षेप होता, असेही डॉ. देशमुख यांनी स्पष्ट केले.
ते म्हणाले, माझ्या मतदारसंघातील काही पदाधिकारी, कार्यकर्ते हे काही कामानिमित्त मुंबईत भेटायला येतात. काही न्यायालयीन कामकाजामुळे मुंबईत किंवा मंत्रालयात येतात. गरीब, शेतकरी कुटुंबातील लोकं जेव्हा मुंबई शहरात येतात, तेव्हा मुंबईत राहण्याचा आणि खाण्याचा खर्च जास्त येतो. सांगोला मतदारसंघातील जनतेने मला निवडून दिलं आहे, त्यामुळे मुंबईत येणाऱ्या लोकांची राहण्याची सोय करणं, ही माझी नैतिक जबाबदारी असते.
मी कुठेही ॲडजेस्ट होऊ शकतो. आज मी आमदार नारायण पाटील यांच्या रुमवर राहतो किंवा कधी कधी समाधान आवताडे यांच्या रुमवरही जातो. जेव्हा नारायण पाटील रुममध्ये असतील आम्ही खाली गाद्या टाकून राहतो. आपण ॲडजेस्ट होऊ शकतो. पण त्या गोरगरीब जनतेची सोय करणे ही आपली नैतिक जबाबदारी आहे, यातून मी विधानसभेत आमदारांच्या निवासाचा मुद्दा मांडला होता, असेही डॉ. बाबासाहेब देशमुख यांनी नमूद केले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.