Kolhapur News, 11 Dec : कोल्हापूर महापालिका निवडणुकीच्या रणांगणात सुरुवातीपासूनच महायुतीमधील भाजप शिवसेना आणि राष्ट्रवादी काँग्रेसने गेल्या सहा महिन्यापासूनच इच्छुकांना गळाला लावण्याचा प्रयत्न सुरू केला आहे. त्यामुळे जागा वाटपात देखील भाजप आणि शिवसेनेने कमांड ठेवल्याचे दिसत आहे.
सुरुवातीपासूनच राष्ट्रवादी काँग्रेसवर दबाव वाढवण्याचा प्रयत्न भाजप आणि शिवसेनेचा राहिला आहे. महानगरपालिकेच्या निवडणुकीत भाजप आणि शिवसेनेला प्रत्येकी 36 जागा आणि राष्ट्रवादी काँग्रेसला 15 जागा देण्याचा प्रस्ताव वरिष्ठ नेत्यांना पाठवण्याची चर्चा आहे.
मात्र या प्रस्तावाबाबत राष्ट्रवादीच्या कोणत्याही नेत्याला याबाबत माहिती नसल्याचं राष्ट्रवादी काँग्रेसचे शहर जिल्हाध्यक्ष आदिल फरास यांनी स्पष्ट केले आहे. 'राष्ट्रवादी गेल्या वर्षभरापासून महानगरपालिका निवडणुकीची तयारी करत आहेत. शहरातील इच्छुक 85 उमेदवार आमच्याकडे आले आहेत. महायुती एकत्र लढणार आहे. त्याला आम्ही सकारात्मक घेत आहोत.
वैद्यकीय शिक्षण मंत्री हसन मुश्रीफ यांच्या नेतृत्वाखाली राष्ट्रवादी काँग्रेस गेल्या पंधरा वर्षापासून सत्तेत आहे. सर्वसामान्य जनता चा राष्ट्रवादी काँग्रेसवर विश्वास आहे. तुमच्या जोरावरच राष्ट्रवादी काँग्रेसची जडणघडण आहे. पंधरा वर्षाच्या सत्तेत सात वेळा महापौर तर अकरा वेळा स्थायी समिती सभापती पद मिळवले.
राष्ट्रवादी काँग्रेस हा सत्तेतला आणि ताकतीचा पक्ष आहे. त्यामुळे सध्या तरी महायुती म्हणून आम्ही सर्वजण एकत्र लढणार आहोत, असे फरास म्हणाले. 33/33/15 असा कोणताही फॉर्म्युला राष्ट्रवादी काँग्रेसच्या नेत्यांसमोर आलेला नाही. महायुती म्हणून जिल्ह्यातील महायुतीचे वरिष्ठ नेते ठरवतील. पण गेल्या पंधरा वर्षांपासून राष्ट्रवादी काँग्रेस सत्तेत असल्याने महायुतीची नेते राष्ट्रवादीला हलक्यात घेणार नाहीत. असेही फरास म्हणाले.
सध्याच्या घडीला महायुती म्हणून एकत्र लढणार असे चित्र भाजप शिवसेना आणि राष्ट्रवादी काँग्रेसमध्ये आहे. भाजप सुरुवातीपासून 34 जागांवर दावा करत आहे. तर शिवसेना 30 जागांवर दावा करत आहे. तर राष्ट्रवादी काँग्रेसने महायुतीमध्ये 27 जागांवर दावा केला आहे. 14 जागांवर निवडून येणारे उमेदवार तयार असल्याचा दावा महायुतीच्या वरिष्ठ नेत्यांपुढे करत आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.