Jayshri Jadhav : नाराज असूनही जयश्री जाधवांनी अर्ज भरणं टाळलं, पण का?

Kolhapur Election: विद्यमान आमदार असूनही कोल्हापूरच्या इतिहासात पहिल्यांदाच असं घडलं ज्यांनी उमेदवारी अर्ज दाखल केला नाही. विधानसभा निवडणुकीसाठी उमेदवारी अर्ज भरण्याची मुदत संपली असताना उमेदवारी अर्ज भरण्यासंदर्भात आमदार जयश्रीताई जाधव यांनी कोणताच निर्णय घेतला नाही.

गेल्या महिनाभरांपासून ते आपल्या उमेदवारीचा दावा करत होते. मात्र त्यांनी अर्ज दाखल न करण्याचाच निर्णय घेतल्याने अनेकांच्या भुवया उंचावल्या आहेत. दरम्यान जयश्री जाधव या नाराज असून पक्ष सोडण्यासंदर्भात त्यांच्या उलट सुलट चर्चा सुरू झाल्या आहेत.

विद्यमान आमदार असूनही पक्षाने उमेदवारी न दिल्याने कोल्हापूर उत्तरच्या विद्यमान आमदार जयश्री जाधव यांनी आज अर्जच दाखल केला नाही. गेल्या दीड महिन्यांपासून त्या उमेदवारीचा दावा करत होत्या. कोणत्याही परिस्थितीत कोल्हापूर उत्तर विधानसभा मतदारसंघात लढणारच असा पवित्रा त्यांनी घेतला होता. मात्र उमेदवारी जाहीर झाल्यानंतर काँग्रेसमध्ये उमेदवारी बदलाच्या हालचाली सुरू झाल्या.

त्यानंतरही आपल्याला उमेदवारी मिळेल अशी अपेक्षा जयश्री जाधव (Jayshree Jadhav) यांना होती. मात्र मधुरिमाराजे छत्रपती यांना उमेदवारी मिळाल्यानंतर त्या नाराज झाल्या आहेत. दरम्यान विद्यमान आमदार असूनही त्यांनी उमेदवारी अर्ज भरलेला नाही. पहिल्यांदाच विद्यमान आमदार निवडणुकीच्या रिंगणापासून दूर राहिले आहेत.

इचलकरंजी विधानसभा मतदारसंघांमध्ये आमदार प्रकाश आवाडे (Prakash Awade) यांनी देखील उमेदवारी अर्ज दाखल केला नाही. राजकीय वारसदार म्हणून त्यांनी त्यांचे पुत्र राहुल आवाडे (Rahul Awade) यांचा उमेदवारी अर्ज दाखल केला आहे. भाजपकडून ते निवडणूक रिंगणात आहेत.

प्रकाश आवाडे यांनी ‘डमी’ म्हणून अर्ज दाखल केला असला, तरी ते चार नोव्हेंबरपूर्वी आपला अर्ज मागे घेणार आहेत. जागा भाजपला असूनही दोन वेळा या मतदारसंघाचे प्रतिनिधित्व केले आणि गेल्यावेळी रिंगणात असलेले माजी आमदार सुरेश हाळवणकर यांनीही यावेळी विश्रांती घेतली. त्यांच्याऐवजी राहुल आवाडे यांना पक्षाने उमेदवारी दिली.