Sangli news: मिरजेत शासकीय रुग्णालयाची कमान कोसळली, 7 जण जखमी, दोघे अत्यावस्थ

Miraj hospital gate collapse: सांगलीतील मिरज शासकीय रुग्णालयाच्या आवारात सोमवारी (ता.२१) मोठी दुर्घटना घडली आहे. रुग्णालयाच्या प्रवेशद्वारावर नव्याने बांधण्यात येणाऱ्या स्वागत कमानीचा भाग कोसळून त्यामध्ये सात जण गंभीर जखमी झाले आहेत. यामध्ये दोन जण गंभीर अवस्थेत असून त्यांच्यावर उपचार सुरू आहेत अशी माहिती सांगलीचे पोलीस अधीक्षक तुषार जोशी यांनी दिली आहे. दुपारी दोन वाजण्याच्या सुमारास ही घटना घडल्याने परिसरात एकच खळबळ उडाली.

सांगलीतील मिरज शासकीय रुग्णालयाच्या प्रवेशद्वाराजवळ आज स्वागत कमानीचा भाग जोडण्याचे काम सुरू होते. स्वागत कमानीचे स्लॅब जोडून यामध्ये सिमेंट काँक्रीट ची भरणी केली होती. दुपारी दोन वाजण्याच्या सुमारास कमानीचा स्लॅब कोसळला. या कमानीच्या ढिगारा केला जवळपास सात जण अडकल्याची माहिती समोर आली आहे. अचानक घडलेल्या या दुर्घटनेमुळे एकच धांदल उडाली.

याची माहिती मिळताच मिरज शासकीय रुग्णालय प्रशासन आणि पोलिसांनी घटनास्थळी धाव घेत जेसीबीच्या साह्याने ढिगार्‍याखाली अडकल्यापैकी सात जणांना सुखरूप बाहेर काढले. त्यामुळे घटनास्थळी मोठी गर्दी झाली होती.

कमानीच्या कामाचा स्लॅब टाकत असताना ही दुर्घटना घडली असून यात सात जण गंभीर जखमी झाले आहेत. जखमींची प्रकृती स्थिर असल्याची माहिती पोलिस अधीक्षक तुषार जोशी यांनी पत्रकारांशी बोलताना दिली.