Phaltan : खासदार झालेत आमदाराचे पीए... खासदार निंबाळकर, आमदार गोरेंवर रामराजे बरसले

Satara News : या आधी चिमणराव कदम, हिंदुराव नाईक निंबाळकर, आम्ही एकमेकांवर थेट बोलत होतो. पण, सध्याचे खासदार भांडायला तिसराच माणूस घेऊन येतात. तो मला बोलतो आणि खासदार गप्प बसतात. त्यामुळे खासदार आमदाराचे पी. ए. झाले असून त्यांचं काय राजकारण सुरू आहे, हे मला कळत नाही, अशी टीका माजी सभापती रामराजे नाईक निंबाळकर Ramraje Naik Nimbalkar यांनी खासदार रणजितसिंह नाईक निंबाळकर Ranjitsinh Naik Nimbalkar व आमदार गोरे Jaykumar Gore यांच्यावर केली.

फलटण येथील वाठार निबळकर येथे विधान परिषदेचे माजी सभापती रामराजे नाईक निंबाळकर यांनी शेतकऱ्यांचा मेळावा घेतला होता. या मेळाव्याला या परिसरातून मोठ्या प्रमाणात शेतकरी बांधव उपस्थित होते. मेळाव्यात बोलताना रामराजे नाईक निंबाळकर यांनी माढ्याचे खासदार रणजितसिंह नाईक निंबाळकर आणि आमदार जयकुमार गोरे यांच्यावर सडकून टीका केली आहे.

रामराजे म्हणाले, वास्तविक पाहता एका खासदाराच्या पोटात सहा आमदार असतात. परंतु फलटण तालुक्यातील उलटच झाले आहे. तांत्रिक बाबींवर त्यांची आणि माझी कधी ही चर्चा होऊ देत. पण, त्यांचं राजकारणच मला कळत नाही. या आधी चिमणराव कदम, हिंदुराव नाईक निंबाळकर व आम्ही थेट एकमेकांना बोलत होतो.

पण सध्याचे खासदार भांडायला तिसराच माणूस घेऊन येतात. तो मला बोलतो आणि खासदार गप्प बसतात. खासदारच आमदाराचे पी ए झालेत. त्यांचं काय राजकारण सुरू आहे, हे मला कळत नाही, अशी टीका रामराजे नाईक निंबाळकर यांनी भाजपचे खासदार रणजितसिंह नाईक निंबाळकर आणि आमदार जयकुमार गोरे यांच्यावर केली आहे.