आमदार असताना सतराशे कोटी अन् मंत्री झाल्यावर फक्त चारशे; शंभुराजेंनी व्यक्त केली खदखद

कराड : जेव्हा 2014 ते 2019 या काळात युतीचा आमदार असताना मतदार संघात सतराशे कोटी रुपयांचा निधी मिळाला महाविकास आघाडीच्या (Mahavikas Aghadi) अडीच वर्षात मंत्री झालो पण निधी केवळ चारशे कोटी रुपयांचा मिळाला, अशी खदखद राज्य उत्पादन शुल्क मंत्री शंभुराज देसाई (Shambhuraj Desai) यांनी व्यक्त केली.

मंत्रीपदाची शपथ घेतल्यानंतर आज शंभुराज देसाई पहिल्यांदा पाटण विधानसभा मतदारसंघात आले यावेळी एकनाथ शिंदे गटात का गेलो याचा लोकांसमोर खुलासा ते करत होते. (shambhuraj desai-uddhav thackery Latest News)

महाविआकास आघाडीत होणारी घुसमट शंभुराज देसाई यांनी मांडली, 'अर्थराज्य मंत्री असूनही बजेटमध्ये आमच्या मतदारसंघाला काहीच नसायचं, अजितदादा मित्र आहेत पण ते निधी वाटपात मैत्री नसायची. मुख्यमंत्री उध्दव ठाकरे यांच्याकडे गेलो की ते म्हणायचे बघू आणि नंतर भेटायचंच नाहीत',अशी खंत त्यांनी व्यक्त केली.

विधानपरिषद निवडणुकीत कशाप्रकारे एकनाथ शिंदे यांना डावललं, आमदारांवर गैरविश्वास दाखवला याचेही किस्से यावेळी सांगितले. शंभुराज देसाई यांचे कराड आणि पाटण तालुक्यातील कार्यकर्त्यांनी स्वागत केलं.अनेक ठिकाणी जेसीबीने फुल उधळली. मरळी येथे विराट सभा झाली आहे.