शेखर माने यांचा राजीनामा:
राष्ट्रवादी काँग्रेस (शरदचंद्र पवार गट) चे सोलापूर जिल्हा पक्षनिरीक्षक शेखर माने यांनी आपल्या पदाचा राजीनामा दिला, ज्यामुळे पक्षात खळबळ उडाली आहे.
जयंत पाटील समर्थकांचा माघार घेतला निर्णय:
जयंत पाटील यांचे कट्टर समर्थक असलेल्या शेखर माने यांनी पाटलांच्या राजीनाम्यानंतर काही महिन्यांतच जबाबदारी सोडली, ज्यामुळे राजकीय चर्चांना उधाण आले आहे.
संघटनात्मक कारणास्तव राजीनामा:
माने यांनी सांगितले की, सांगली जिल्ह्यात पक्ष संघटनाचे काम करायचे असल्याने सोलापूर निरीक्षकपदावरून मुक्त होण्याची विनंती केली आहे.
Solapur, 10 November : राष्ट्रवादी काँग्रेस शरदचंद्र पवार पक्षाचे आमदार जयंत पाटील यांनी प्रदेशाध्यक्षपद सोडल्यानंतर अवघ्या काही महिन्यांतच त्यांचे कट्टर समर्थक आणि सोलापूरचे पक्ष निरीक्षक शेखर माने यांनी पक्षातील जबाबदारी सोडली आहे, त्यामुळे राष्ट्रवादी काँग्रेस शरदचंद्र पवार पक्षात खळबळ उडाली आहे. सुधीर खरटमल यांनी दोनच दिवसांपूर्वी शहराध्यक्षपद सोडल्यानंतर शेखर मानेंनी निरीक्षकपद सोडल्याने पक्षात राजीनामास्त्राची चर्चा रंगली आहे.
राष्ट्रवादी काँग्रेस शरदचंद्र पवार पक्षाचे सोलापूर (Solapur) जिल्ह्याचे पक्ष निरीक्षक शेखर माने यांनी पक्षाचे नवे प्रदेशाध्यक्ष शशिकांत शिंदे यांना पत्र लिहून पक्षाने दिलेल्या सोलापूरच्या पक्षनिरीक्षक पदातून मुक्त करण्यात यावे, अशी मागणी केली आहे. स्थानिक स्वराज्य संस्थांच्या निवडणुकीच्या पार्श्वभूमीवर पक्षाला नवा कॅप्टन नेमावा लागणार आहे.
प्रदेशाध्यक्ष शिंदे यांना लिहिलेल्या पत्रात शेखर माने (Shekhar Mane ) यांनी म्हटले आहे की, गेल्या चार वर्षांपासून सोलापूरचे शहर, तर गेल्या दोन वर्षांपासून ग्रामीणचे पक्ष निरीक्षक म्हणून संघटनावाढीसाठी जबाबदारीने काम केलेले आहे. माझ्या नियुक्तीच्या कार्यकाळात मला लोकसभा आणि विधानसभा निवडणुकीत संघटनात्मक काम करण्याची संधी मिळाली. याच निवडणुकांमध्ये राष्ट्रवादी काँग्रेस शरदचंद्र पवार पक्षाला चांगले यश प्राप्त करून देण्यात मी यशस्वी ठरलो आहे. याचा मला विशेष आनंद आहे.
आगामी स्थानिक स्वराज्य संस्थांच्या निवडणुकीत मला सांगली जिल्ह्यात पक्षाचे संघटनात्मक काम करायचे आहे, त्यामुळे मला सोलापूर शहर, जिल्हा ग्रामीणचे पक्षनिरीक्षक या पदातून मुक्त करण्यात यावे, अशी मागणी शेखर माने यांनी प्रदेशाध्यक्ष शशिकांत शिंदे यांच्याकडे केली आहे.
शेखर माने हे राष्ट्रवादी काँग्रेस पक्षात जयंतपाटील यांचे समर्थक म्हणून ओळखले जातात. जयंत पाटील प्रदेशाध्यक्ष असतानाच त्यांची सोलापूरचे पक्षनिरीक्षक महणून नियुक्ती करण्यात आली होती. मात्र, जयंत पाटील यांना प्रदेशाध्यक्षपद सोडावे लागल्यानंतर अवघ्या काही महिन्यांतच त्यांचे कट्टर समर्थक शेखर माने यांनीही सोलापूरचे पक्ष निरीक्षक पद सोडण्याचा निर्णय घेतला आहे, त्यामुळे पक्षात राजकीय चर्चांना उधाण आले आहे
Q1: शेखर माने कोणत्या पदावर होते?
A1: ते राष्ट्रवादी काँग्रेस (शरद पवार गट) चे सोलापूर जिल्हा पक्षनिरीक्षक होते.
Q2: शेखर माने यांनी राजीनामा का दिला?
A2: सांगली जिल्ह्यात संघटनात्मक काम करण्यासाठी त्यांनी सोलापूर निरीक्षकपद सोडले.
Q3: शेखर माने कोणत्या नेत्याचे समर्थक आहेत?
A3: ते आमदार जयंत पाटील यांचे कट्टर समर्थक आहेत.
Q4: त्यांच्या राजीनाम्यामुळे पक्षात काय वातावरण निर्माण झाले?
A4: राजीनाम्यानंतर पक्षात ‘राजीनामास्त्र’ आणि अंतर्गत चर्चांना उधाण आले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.