Satara News : तो तर उद्धव ठाकरेंचा मुर्खपणा; मुख्यमंत्री पदासाठी पवारांचा हात धरला : राणेंचा टोला

Narayan Rane News : ज्यांनी स्वत: राजीनामा देऊन मुर्खपणा केला, त्यांनी शिंदे-फडणवीस सरकारने राजीनामा द्यावा, म्हणणे मूर्खपणाचे आहे. निवडणुकीत मंगळसूत्र भाजपचे घातले आणि निवडणुकीनंतर मुख्यमंत्री पदासाठी शरद पवारांचा हात धरुन गेला. आता आम्हाला २०२४ पर्यंत आम्हाला वेळ आहे, असा टोला केंद्रीय मंत्री नारायण राणे यांनी उद्धव ठाकरे यांना लगावला.

मंत्री नारायण राणे Narayan Rane यांनी आज खासदार उदयनराजे भोसले Udayanraje Bhosale यांच्या समवेत जलमंदीर या निवासस्थानी पत्रकारांशी संवाद साधला. यावेळी मंत्री भागवत कराड, माजी आमदार आनंदराव पाटील आदी उपस्थित होते. यावेळी त्यांनी उद्धव ठाकरेंवर Udhav Thackeray निशाणा साधला.

नैतिकता असेल तर शिंदे, फडणवीस सरकारने राजीनामा द्यावा, असे आवाहन उद्धव ठाकरे यांनी केले होते. त्यावर मंत्री राणे यांना विचारले असता ते म्हणाले, ज्यांनी स्वत: राजीनामा देऊन मुर्खपणा केला, त्यांनी सरकारने राजीनामा द्या, म्हणणे मूर्खपणाचे आहे.

निवडणुकीत मंगळसूत्र भाजपचे घातले आणि निवडणुकीनंतर मुख्यमंत्री पदासाठी शरद पवारांचा हात धरुन गेला. आता २०२४ पर्यंत आम्हाला वेळ आहे. त्यामुळे नैतिकता नसलेल्या माणसाने आमच्यावर बालू नये. गप्प घरातच बसावे, मुख्यमंत्र्यांना राजीनामा द्या असे म्हणण्याचा त्यांना नैतिक अधिकार नाही, असा टोला त्यांनी उद्धव ठाकरेंना लगावला.