उमेश पाटील यांनी माजी आमदार यशवंत माने यांच्यावर पलटवार करत म्हटले की, उज्ज्वला थिटे यांच्या घरावरील दरोड्याच्या प्रकरणात राजन पाटील आणि त्यांच्या मुलांची नावे असूनही माने यांच्या दबावामुळे गुन्हा दाखल झाला नाही.
पाटील यांनी सांगितले की थिटे या न्याय मागण्यासाठी माने यांच्याकडे गेल्या होत्या, मात्र माने यांनीच तिच्यावर पैसा मागितल्याचा उलटा आरोप केला, जो लाजिरवाणा आहे.
थिटे यांच्या आर्थिक स्थितीचा दाखला देत, उमेश पाटील यांनी म्हटले की जर तिला ५० लाख मिळाले असते तर तिने आज ड्रायव्हर म्हणून मुलाला कामाला लावले नसते.
Solapur, 08 November : अनगरमधील उज्ज्वला थिटे यांच्या घरावरील दरोड्याप्रकरणी राजन पाटील आणि त्यांच्या दोन्ही मुलांचे नाव फिर्यादीमध्ये असूनही यशवंत मानेंच्या दबावापोटी त्यांच्यावर गुन्हा दाखल होऊ शकला नव्हता. त्याचा जाब विचारण्यासाठी थिटे ह्या माजी आमदार यशवंत माने यांच्याकडे गेल्या हेात्या आणि तुम्ही तिच्यावर पैसा घेतल्याचा आणि मागितल्याचा उलटा आरोप करता, तुम्हाला लाज वाटली पाहिजे, अशा शब्दांत राष्ट्रवादी काँग्रेसचे जिल्हाध्यक्ष उमेश पाटील यांनी यशवंत मानेंवर पलटवार केला.
राजन पाटील (Rajan Patil) आणि यशवंत मानेंवर आरोप करण्यासाठी उज्ज्वला थिटे यांना उमेश पाटील आणि राजू खरे यांनी 50 लाखांची ऑफर दिली होती. त्यानंतर संबंधित महिलेने आपल्या मुलासाठी इनोव्हा गाडी आणि दहा लाख रुपये मागितल्याचा आरोप यशवंत मानेंनी केला होता. त्याला उमेश पाटील यांनी प्रतिउत्तर दिले आहे.
उमेश पाटील (Umesh Patil) म्हणाले, यशवंत माने हे अनगरमधील उज्ज्वला थिटे या महिलेच्या संदर्भात बोलले आहेत. मुळात उज्ज्वला थिटेंच्या मुलाला अमानुष मारहाण करून त्याच्यावरच ॲट्रोसिटीचा गुन्हा दाखल केला. तसेच, त्यांच्या मुलाला बारावीच्या परीक्षेला बसू दिलं नाही. त्याच्या शाळा सोडल्याच्या दाखल्यावर नियमांत नसतानाही या मुलावर ॲट्रोसिटीचा गुन्हा दाखल असल्याने त्याला कुठेही प्रवेश दिला जाऊ नये, असा उल्लेख केला. संबंधित मुलाला आयुष्यात कोठेही शिक्षण घेता येऊ नये, असा शेरा त्याच्या दाखल्यावर मारला.
उज्ज्वला थिटे ही महिला यशवंत मानेंकडे दाद मागायला गेली होती. माझी शेती सगळी जाळून टाकली. माझ्या मोटारी पळवून नेल्या, पाईपलाईन तोडून टाकली. माझ्या घरावर दरोडा टाकला. त्या प्रकरणी राजन पाटील आणि त्यांच्या दोन मुलांवर संबंधित महिलेने पोलिस ठाण्यात लेखी आरोप केला आहे. फिर्यादीत त्यांचा उल्लेख आहे. पण, त्यांच्यावर गुन्हा दाखल झालेला नाही, असेही पाटील यांनी नमूद केले.
ते म्हणाले, राजन पाटील आणि त्यांच्या दोन्ही मुलांचा उल्लेख आरोपी म्हणून फिर्यादीत केलेला असताना आमदार यशवंत माने यांनी पोलिसांवर दबाव आणून त्यांच्यावर गुन्हा दाखल होऊ दिलेला नाही. त्याचा जाब विचारण्यासाठी संबंधित महिला ही यशवंत माने यांच्याकडे गेली होती आणि तुम्ही उलटा आरोप करताय, तुम्हाला लाज वाटली पाहिजे, तिच्यावर असे आरोप करताना?
तुम्ही त्या महिलेला आज गावात राहायला येऊ देत नाही. तिची अनगर गावात तीस एकर बागायती जमीन आहे. पण आज तिच्यावर धुणंभांडी करायची वेळ आली आहे. ती पुण्यात राहते आणि मुलगा एका गाडीवर ड्रायव्हर म्हणून काम करत आहे. आमच्याकडून तिला ५० लाख रुपये मिळाले असते तर तिच्या मुलावर ड्रायव्हर म्हणून काम करायची वेळ आली असती का? झोपडीवजा छोट्या घरात राहायची वेळ तिच्यावर आली असती का? असा सवालही उमेश पाटील यांनी केला.
यशवंत माने यांच्याकडे तिने दहा लाख रुपये मागितले म्हणून सांगता? नवी कोरी गाडी मागितली असे असता का? दहा लाख आणि गाडीची किमत किती होते, फार तर २५ ते ३० लाख होतात. म्हणजे आमच्याकडून आरोप करण्यासाठी ५० लाख आणि आरोप थांबवण्यासाठी ३० लाख रुपये, अशा पद्धतीचा उलटा व्यवहार असतो का? यशवंत माने यांचं गणितही कच्चं आहे, असा टोलाही त्यांनी लगावला.
Q1. उमेश पाटील यांनी यशवंत माने यांच्यावर कोणता आरोप केला?
A1. त्यांनी आरोप केला की माने यांनी पोलिसांवर दबाव आणून राजन पाटील आणि त्यांच्या मुलांवर गुन्हा दाखल होऊ दिला नाही.
Q2. उज्ज्वला थिटे या माने यांच्याकडे का गेल्या होत्या?
A2. त्या आपल्या घरावरील दरोड्याच्या प्रकरणात न्याय मागण्यासाठी गेल्या होत्या.
Q3. उमेश पाटील यांनी थिटे यांच्या आर्थिक परिस्थितीबाबत काय सांगितले?
A3. त्यांनी म्हटले की, थिटे आज झोपडीत राहतात आणि मुलगा ड्रायव्हर आहे, त्यामुळे तिला ५० लाख मिळाले असते हे खोटे आहे.
Q4. पाटील यांनी यशवंत माने यांच्या आरोपांवर काय प्रतिक्रिया दिली?
A4. त्यांनी म्हटले की, माने यांचे गणितच कच्चे आहे आणि त्यांनी थिटे यांच्यावर खोटे आरोप केले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.