Baramati bypoll update : काँग्रेसने उमेदवार द्यायला नको होता! प्रफुल्ल पटेलांचा बारामतीतून थेट प्रहार; पोटनिवडणुकीबाबत केला मोठा दावा

Mumbai news : आगामी काळात होत असलेल्या बारामती विधानसभा पोटनिवडणुकीमुळे राज्यातील वातावरण चांगलेच तापले आहे. या पोटनिवडणुकीच्या निमित्ताने सत्ताधारी व विरोधकांकडून एकमेकांवर टीका केली जात आहे. त्यातच उपमुख्यमंत्री सुनेत्रा पवार यांच्या विरोधात ऐनवेळी काँग्रेसने उमेदवार मैदानात उतरवला आहे. त्यामुळे ही निवडणूक बिनविरोध होण्याची शक्यता वर्तवली जात असतानाच काँग्रेस उमेदवाराच्या एन्ट्रीने ही निवडणूक बिनविरोध हॊणार नसल्याचे स्पष्ट झाले आहे. त्यातच राष्ट्रवादी काँग्रेसचे नेते व माजी केंद्रीय मंत्री प्रफुल पटेल यांनी बारामती पोटनिवडणुकीबाबत मोठा दावा केला आहे.

त्यामुळे निवडणूक आता बिनविरोध होणार नसल्याचे स्पष्ट करीत या निवडणुकीत राष्ट्रवादी काँग्रेसच्या अधिकृत उमेदवार सुनेत्रा पवार (Sunetra pawar) यांचा विजय निश्चित असल्याचे त्यांनी स्पष्ट केले. तर बारामतीमध्ये प्रसार माध्यमाशी संवाद साधताना प्रफुल पटेल म्हणाले की, बारामती विधानसभा पोटनिवडणुकीसाठी काँग्रेसने उमेदवार द्यायला नको होता.

खासदार पार्थ पवार यांनी काँग्रेसवर (Congress) केलेल्या टीकेमुळे महायुती आणि महाविकास आघाडीतील राजकीय संघर्ष आता आणखी तीव्र झाला आहे. बारामती आणि राहुरीच्या पोटनिवडणुकीच्या रणधुमाळीत पार्थ पवारांनी थेट काँग्रेसच्या कार्यपद्धतीवरच निशाणा साधला आहे. त्यासोबतच खासदार पार्थ पवार यांनी काँग्रेसवर टीका केली आहे. या टीकेबाबत पत्रकारांनी प्रफुल पटेल यांना विचारणा केली असता या विषयावर बोलणे त्यांनी टाळले.

माझं कुणाशी बोलणं झालं नाही. काँग्रेसला (त्यांना) कळायला पाहिजे काय करायचं ते. त्यांच्या (काँग्रेसच्या) राष्ट्रीय नेतृत्वाबाबत मला नाही माहिती. सगळे मोठे लोक आहेत, सर्वांना माहिती आहे काय चाललंय. त्यांनी (काँग्रेसने) विचार केला असेल तर करु द्या. पण त्यांना (काँग्रेसला) नंतर काय त्रास होईल महाराष्ट्रात, हे त्यांना दिसेल, अशा शब्दात पार्थ पवार यांनी काँग्रेसच्या उमेदवारीबाबत थेट इशाराच दिला आहे.

पार्थ पवार यांच्या टिकेनंतर राजकीय क्षेत्रात संमिश्र प्रतिक्रिया उमटण्यास सुरूवात झाली आहे. त्यातच आता सत्ताधारी व विरोधकांकडून एकमेकांवर टीका केली जात आहे. त्यामुळे वातावारण चांगलेच तापले आहे.