Maratha Reservation News : देवेंद्र फडणवीस यांचे सरकार मराठा आरक्षणाच्या मागणी आडून उलथवण्याचा प्लॅन असल्याचे लक्ष्मण हाके यांनी म्हटले होते. तसेच यामध्ये उपमुख्यमंत्री अजित पवार हे देखील सामील असल्याचा आरोप त्यांनी केला होता. त्यावर लक्ष्मण हाके यांनी मराठा आंदोलनात लुडबूड करू नये, तसेच कारण नसताना मध्ये बोलू नये, असे खडे बोल मराठा उपसमितीचे अध्यक्ष मंत्री राधाकृष्ण विखे पाटील यांनी सुनावले.
"लक्ष्मण हाकेंचे काही कामच नाही. त्यांनी मराठा आरक्षणाच्या विषयात लुडबूड करण्याची आवश्यकता नाही. त्यांना तो अधिकारही नाही. समाजाचे लोक आंदोलन करत आहेत. त्यांच्या मागण्या मांडत आहेत. तर मांडू द्या. त्यांचा तो अधिकार आहे. अन्य समाजाच्या लोकांनी त्यामध्ये हस्तक्षेप का करावा," असा सवाल विखे यांनी उपस्थित केला. जी बेताल वक्तव्ये सुरु आहेत ती योग्य नाहीत. त्यांनी तसे करणे थांबविले पाहिजे, असेही त्यांनी सुनावले.
"मनोज जरांगे पाटील यांच्याकडून कोणता प्रस्ताव येतो, त्याचा विचार करू. पण उपसमितीची अद्याप कोणतीही बैठक ठरलेली नाही. पण आंदोलकांनी चर्चेसाठी तयारी दर्शविल्याचे माध्यमात पाहिले. सरकारची आधीपासून तयारी आहे. त्या निमित्ताने मुंबईत प्रत्यक्ष गेल्यावर काय घडते ते पाहू, " असे विखे पाटील यांनी सांगितले.
मराठा उपसमितीची बैठक आज पार पडली. या या बैठकीला समितीचे अध्यक्ष विखे पाटील, चंद्रकांत पाटील, आशिष शेलार, उदय सामंत यांच्यासह सर्वच सदस्य उपस्थित होते. या बैठकीमध्ये सविस्तर चर्चा झाली. मराठा आरक्षणाच्या प्रश्नाची सोडवणूक झाली पाहिजे, याबाबत सगळेच सकारात्मक असल्याचे विखे पाटील म्हणाले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.