Sanjay Raut : संजय राऊतांचे RSS प्रमुख मोहन भागवतांना पत्र, करून दिली आणीबाणीची आठवण, म्हणाले, 'अंधार...'

Sanjay Raut News : संजय राऊत यांचे 'नरकातील स्वर्ग' हे पुस्तक चर्चेत आहे. त्यांनी आपले हे पुस्तक मुख्यमंत्री देवेंद्र फडणवीस, उपमुख्यमंत्री एकनाथ शिंदे यांना पाठवले होते. आता थेट आरएसएस प्रमुख मोहन भागवत यांना हे पुस्तक पाठवत एक पत्र देखील पाठवले आहे.

या पत्रात राऊत यांनी म्हटले आहे की, 'माझ्या पुस्तकाची प्रत आपल्या अवलोकनासाठी पाठवत आहे. देशातील लोकशाहीविरोधी राज्यकर्त्यांनी मला खोट्या प्रकरणात अडकवून तुरुंगात टाकले. माझा व माझ्या कुटुंबियांचा छळ केला. माझी कायदेशीर मार्गाने सुटका होऊ नये म्हणून न्याय यंत्रणेवरही दबाव आणला.'

'विरोधकांचा आवाज दडपण्यासाठी हा अत्याचार उघडपणे होत असताना सगळेच गप्प राहिले. १९७५ च्या आणीबाणी पर्वात हेच पडले व त्याविरद्ध संघ परिवाराने संघर्ष केल्याचे सांगितले जाते. माझ्या लेखनात अलीकडच्या काळातले अधार युग चित्रित झाले आहे.', असे देखील राऊत यांनी पत्रात म्हटले आहे.

आपल्या ट्विटवरवरून राऊत यांनी सांगितले की, सरसंघचालक मोहन भागवत यांना नरकातला स्वर्गची प्रत आज पाठवली. संघ परिवारातील अनेक मित्रांनी पुस्तक वाचून अभिप्राय कळवले आहेत,मी त्यांचा आभारी आहे.

मनसेसोबत युतीबाबत सकारात्मक

संजय राऊत यांनी मनसेसोबत सकारात्मक असल्याचे म्हटले आहे. अमित ठाकरेंनी युतीच्या प्रस्ताव पाठवण्याच्या वक्तव्यावर राऊत म्हणाले, अमित हा गोड मुलगा आहे. मी राज ठाकरे यांच्या घरी देखील जाईल. आमच्यासाठी तो कॅफे नाही तर आमच्यासाठी तर दुसरे घर आहे.