Santosh Deshmukh Murder Case : संतोष देशमुख हत्या प्रकरणात नवी अपडेट; तपासाला येणार वेग, राज्य सरकारने उचलले मोठे पाऊल

Mumbai News : बीडमधील मस्साजोग येथील सरपंच संतोष देशमुख यांच्या हत्या प्रकरणाचा तपास गेल्या काही दिवसापासून सुरु आहे. येत्या काळात या तपास कामाचा वेग वाढणार आहे. या प्रकरणावर सीआयडीच्या अनेक पथकांकडून पाठपुरावा केला जात असतानाच मुख्यमंत्री देवेंद्र फडणवीस यांनी विधिमंडळ सभागृहातील चर्चेवेळी बोलताना संतोष देशमुख हत्या प्रकरणाच्या तपासासाठी लवकरच राज्य सरकरकडून एसआयटी स्थापन करण्यात येणार असल्याची घोषणा केली होती. त्यानुसार बुधवारी राज्य सरकारकडून एसआयटीची स्थापना करण्यात आली आहे. त्यामुळे आता येत्या काळात या हत्या प्रकरणाच्या तपासाला वेग येणार आहे.

राज्य सरकारकडून चौकशीसाठी एसआयटीची स्थापना करण्यात आली आहे. आर्थिक गुन्हे शाखा आणि गुन्हे अन्वेषण पुणे विभागाचे पोलीस उपमहानिरीक्षक बसवराज तेली हे एसआयटीचे प्रमुख म्हणून काम करतील. त्यांच्या टीममध्ये गुन्हे अन्वेषण विभागाच्या पोलीस उप अधीक्षकांचाही समावेश असेल. तसेच बहुतांशी सदस्य बीड जिल्ह्यात काम करणारे अधिकारी आहेत. एकूण नऊ पोलीस अधिकारी देशमुख हत्या प्रकरणाचा तपास करतील. त्यामुळे आता येत्या काळात या हत्या प्रकरणाच्या तपासाला वेग येणार आहे.

मस्साजोग येथील सरपंच संतोष देशमुख हत्या प्रकरणाचा तपासाचा वेग वाढला आहे. या प्रकरणावर सीआयडीच्या अनेक पथकांकडून पाठपुरावा केला जात आहे. या हत्या आणि खंडणी प्रकरणातील आरोपी वाल्मिक कराडने सीआयडीपुढे शरणागती पत्करली. त्यानंतर या प्रकरणात अनेक खुलासे होऊ लागले आहेत. कराडला १५ दिवसांची कोठडी सुनावली आहे.

दरम्यान, आता या प्रकरणाच्या तपासासासाठी राज्य सरकारकडून ठोस पावले उचली जात आहेत. या चौकशीसाठी विशेष तपास पथकाची स्थापना करण्यात आली आहे. त्यामुळे या प्रकरणातील आरोपींच्या गळ्याभोवतीचा फास आणखी आवळण्याची शक्यता व्यक्त केली जात आहे.