Kalpana Kharat : 'अशोक खरातने बायकोला 16 वर्षांपासून माहेरीच पाठवलेलं नाही...'; फरार कल्पनाच्या माहेरच्यांचा SIT समोर धक्कादायक खुलासा

Nashik News, 03 Apr: भोंदू अशोक खरातची पत्नी कल्पना खरात एसआयटीने चौकशीचा फास आवळताच फरार झाली आहे. ती फरार झाल्यामुळे तिचा खरातच्या काळ्या कारानाम्यांमध्ये मोठा हात असल्याचा संशय व्यक्त केला जात आहे.

कल्पना खरात फरार होताच एसआयटीने तिच्या नातेवाईकांची चौकशी सुरू केली आहे. एसआयटीने अशोक खरातचा मुलगा हर्षवर्धन याची देखील चौकशी केली. मात्र, अद्याप एसआयटीला कल्पना खरात सापडलेली नाही. त्यामुळे तिचा शोध घेण्यासाठी पोलिसांचा शोध सुरू आहे.

ती परदेशात पळून जाऊ नये यासाठी तिच्या विरोधात लूकाऊट नोटीस काढली आहे. अशातच कल्पना खरातचा शोध शोध घेण्यासाठी एसआयटीचं पथक सिन्नर मधील पाडळी येथे कल्पनाच्या माहेरी पोहोचलं असता माहेरच्या लोकांनी एसआयटीला कल्पना बाबत धक्कादायक माहिती दिली आहे.

कल्पना माहेरच्या लोकांच्या जवळपास 16 वर्षापासून संपर्कात नाही. शिवाय तिला अशोक खरात माहेरी कधीही भेटायला येऊ देत नव्हता, तिने विवाह झाल्यानंतर माहेरशी फारसा संपर्क ठेवला नव्हता. ती कधी भावालाही भेटायला आली नव्हती, अशी माहिती माहेरच्या लोकांनी दिल्याची माहिती सुत्रांनी दिली आहे.

त्यामुळे आता खरात प्रकरणात आणखी एक मोठा खळबळजनक खुलासा समोर आला असून खरात आपल्या बायकोला माहेरी का पाठवत नव्हता? असा प्रश्न उपस्थित केला जात आहे. दरम्यान, कल्पना खरातने देखील नवऱ्याच्या मदतीने शिर्डीतील एका शेतकऱ्याची जमीन खरेदीत फसवणूक केल्याची माहिती समोर आली आहे.

या संदर्भात खरातचा मुलगा हर्षवर्धनची एसआयटीने चौकशी केली आहे. या जमीन खरेदी प्रकरणात कल्पना आणि तिच्या भावांचा आर्थिक व्यवहार झाल्याचं तपासात समोल आलं आहे. त्यामुळे या प्रकरणाची अधिकची माहिती कल्पना खरातकडूनच मिळू शकते.

यासाठी एसआयटीला तिची चौकशी करायची आहे. मात्र, एसआयटीने अशोक खरातच्या बाजून चौकशीचा फास आवळताच कल्पना खरात फरार झाली आहे. त्यामुळे आता एसआयटीचं पथक तिचा शोध घेत आहे.