Chhagan Bhujbal News: पुणे येथील स्वारगेट बस स्थानकात युवतीवर अत्याचाराची घटना घडली. या घटनेने राज्यात पुन्हा एकदा खळबळ उडाली आहे. या प्रकरणातील संशयीत आरोपी अद्यापही पोलिसांच्या हाती लागलेला नाही.
स्वारगेट बस स्थानकावर एका युवतीवर अत्याचार झाल्याची घटना सबंध पोलिस यंत्रणेला आव्हान ठरली आहे. त्याच्या तीव्र प्रतिक्रिया उमटल्या आहेत. शिवसेना उद्धव ठाकरे पक्षाचे नेते वसंत मोरे यांनी याबाबत बस स्थानकात तोडफोड करीत अधिकाऱ्यांना दोषी धरले आहे.
यावर माजी मंत्री छगन भुजबळ यांची पहिली प्रतिक्रिया आली आहे. श्री भुजबळ यांनी या घटनेचा तीव्र निषेध केला आहे. घडलेली घटना सबंध महाराष्ट्रासाठी आणि पोलिसांच्या प्रतिष्ठेसाठी लांच्छनास्पद आहे. घडलेला प्रकार ऐकल्यावर संताप अनावर होतो, असे ते म्हणाले.
संबंधित घटना घडल्यानंतर पोलिसांत गुन्हा दाखल झाला आहे. याबाबत बाहेर आलेल्या माहितीनुसार या ठिकाणी बरेच काही यापूर्वी घडल्याचे समजते आहे. पोलीस तपासातून त्याचा उलगडा होईल. पोलीस देखील हे प्रकरण गांभीर्याने घेतील अशी अपेक्षा आहे.
यासंदर्भात आरोपीचा शोध घेण्यासाठी पोलिसांची कार्यवाही सुरू आहे. महाराष्ट्रातील पोलीस कार्यक्षम आहेत. याबाबत माझ्या मनात कोणतीही शंका नाही. माझा पोलीस प्रशासनावर पूर्ण विश्वास आहे. त्यामुळे ते या प्रकरणाच्या तळाशी जाऊन वस्तुस्थिती बाहेर आणतील, असे भुजबळ म्हणाले.
एकंदरच हे प्रकरण सबंध महाराष्ट्रासाठी कांच्छनास्पद आहे. सबंध महाराष्ट्रातील नागरिकांमध्ये त्याबाबत रोष आहे. महिला सुरक्षिततेचा प्रश्न या निमित्ताने पुन्हा एकदा पुढे आला आहे. त्यामुळे याबाबत राज्य शासन देखील गंभीर आहे. त्यांनी या प्रकरणाबाबत योग्य ती कार्यवाही आणि दिशा निर्देश संबंधितांना दिले आहेत.
यासंदर्भात संशयित दत्तात्रय गाडे हा आरोपी असल्याचे निष्पन्न झाले आहे. पोलिसांनी स्वारगेट बस स्थानकावरील सीसीटीव्हीचे फुटेज तपासले आहे. आरोपी निष्पन्न झाल्याने त्याचा शोध घेण्यासाठी विविध पथके तयार करण्यात आली आहेत. पोलीस त्याचा कसोशीने शोध घेत आहे.
याबाबत संबंधित आरोपी गाडे हा पुण्यातील एका मोठ्या राजकीय नेत्याशी संबंधित आहे, असे बोलले जाते. या संदर्भात माजी मंत्री भुजबळ यांनी कोणाचा कोणाशी संबंध जोडण्यापूर्वी गंभीर पुरावे तपासले पाहिजेत. या प्रकरणाचा राजकारणाशी किंवा राजकीय नेत्यांची संबंध जोडणे योग्य होणार नाही. पोलीस याबाबत आरोपीला अटक केल्यावर कारवाई करणारच आहे. त्यामुळे अशी चर्चा थांबवावी असे भुजबळ म्हणाले.
-------
२५ वर्षे पूर्ण करणारा ई-सकाळ आता कॉमस्कोअरमध्ये Number One डिजिटल माध्यमांच्या क्षेत्रातील नवी झेप
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.