Prithviraj Chavan on Viksit Bharat : मोदींच्या ‘विकसित भारता’वर पृथ्वीराज चव्हाणांचे प्रश्न; GDPवर का मौन?

India GDP growth : पंतप्रधान नरेंद्र मोदी यांना त्यांचे समर्थक विश्वगुरू संबोधतात. भारत विकसित राष्ट्र होण्याबाबत भाजप दावा करीत आली आहे. विषयी काँग्रेस नेते पृथ्वीराज चव्हाण यांनी गंभीर प्रश्न उपस्थित केला आहे.

श्री चव्हाण यांनी पंतप्रधान मोदी यांच्या विश्वासार्हतेवरच गंभीर प्रश्नचिन्ह उपस्थित केले. पंतप्रधान मोदी विविध दावे करतात. आयुष्याच्या जीडीपी विषयावर ते का मौन आहेत.

देशाची अर्थव्यवस्था मोजण्याची सर्वात सोपी पद्धत म्हणजे जीडीपी असतो. मात्र पंतप्रधान मोदी (Narendra Modi) याबाबत पुरेसे बोलत नाहीत. याविषयी उकल करून काहीही सांगत नाहीत. त्यामुळे विकसित भारत हे दिवा स्वप्न ठरणार आहे.

काँग्रेस (Congress) पृथ्वीराज चव्हाण म्हणाले, दरडोई उत्पन्नाच्या बाबतीत भारताचा जागतिक क्रमांक 162 वा आहे. भारतापेक्षा 161 देश अधिक समृद्ध आहेत. भारताला विकसित व्हायचे असेल तर किमान 88 वा क्रमांक प्राप्त करावा लागेल. त्यासाठी किमान 40 वर्षे लागतील. मात्र मोदी है तो मुमकिन है यामुळे कदाचित पंतप्रधान मोदी ते आधीच साध्य करतील, असा चिमटा चव्हाण यांनी घेतला.

आपल्या देशावर आपले प्रेम असेल तर प्रत्येक नागरिकाने या गंभीर प्रश्नाची दखल घेतली पाहिजे. राज्य सरकारला प्रत्येक नागरिकांनी जीडीपी बाबत जाब विचारण्याची गरज आहे. त्याशिवाय सरकारला त्याचे गांभीर्य उमगणार नाही.

त्या देशाचा जीडीपी सरासरी सहा टक्के आहे. विकसित देश होण्यासाठी किमान सात ते आठ टक्क्यांपर्यंत तो गेला पाहिजे. तसे नसताना भारताला विकसित म्हणणे किंवा विश्वगुरू यांसारखे शब्द वापरणे योग्य नाही.

भारतीय संस्था मांडत असलेल्या आकडेवारी विषयी त्यांनी प्रश्नचिन्ह उपस्थित केले. भारताच्या आकडेवारीला जागतिक स्तरावर सी ग्रेड संबोधले जाते. त्यामुळे ती विश्वासार्ह नाही. याउलट मी केलेले विधान जागतिक बँकेने जाहीर केलेले आकडेवारी वर आधारित असल्याचे पृथ्वीराज चव्हाण म्हणाले.