Jalgaon BJP vs Shiv Sena: जळगाव महापौर पदासाठी महिला आरक्षण जाहीर झाले आहे. प्रवर्गातील पाच महिला विजयी झाल्या आहेत. महापौर पदाच्या शर्यतीत भाजपची कोणती नगरसेविका आघाडीवर असेल? याची उत्सुकता आहे.
जळगाव महापालिकेत भाजप पूर्ण बहुमताने सत्तेत आला आहे. मात्र या शहरात महायुतीचे घटक असलेले शिवसेना एकनाथ शिंदे पक्ष आणि राष्ट्रवादी काँग्रेस एकत्रित निवडणुकीला सामोरे गेले होते. त्यामुळे सत्तेत या पक्षांना वाटा देणे अपरिहार्य आहे.
भारतीय जनता पक्षाला या निवडणुकीत ४६ जागा मिळाल्या आहेत. या पक्षाचा स्ट्राईक रेट शंभर टक्के होता. यातील सहा नगरसेवक बिनविरोध झाले होते. तील दोन बिनविरोध महिला महापौरपदाच्या शर्यतीत आघाडीवर आहे. यातील कोणाला संधी द्यायची हे जलसंपदा मंत्री गिरीश महाजन यांच्या मर्जीवर ठरेल.
जळगाव महापालिकेत ओबीसी महिला प्रवर्गातून पाच महिला विजयी झाल्या आहेत. यामध्ये दीपमाला काळे आणि उज्वला बेंडाळे या तिसऱ्यांदा नगरसेविका बनल्या आहेत. या दोघेही बिनविरोध निवडून आलेल्या आहेत. त्यामुळे ज्येष्ठ म्हणून त्या महापौर पदाच्या शर्यतीत आहेत.
अन्य तीन ओबीसी महिला नगरसेविकांमध्ये माधुरी बारी, विद्या सोनवणे कविता सागर पाटील यांचा समावेश आहे. मात्र त्या पहिल्यांदाच विजयी झाल्या आहेत. त्यामुळे त्यांचा दावा कितपत गांभीर्याने घेतला जाईल याविषयी संशय आहे. जळगावच्या बहुतांशी राजकीय संस्थांना सध्या भाजपचे वर्चस्व आहे.
जळगाव महापालिकत भाजपने महायुतीच्या घटक पक्षांशी युती केली होती. त्यात शिवसेना एकनाथ शिंदे पक्षाला देखील लक्षणीय यश मिळाले आहे. त्यामुळे पालकमंत्री गुलाबराव पाटील यांनी उपमहापौरपदावर दावा केल्याचे बोलले जाते.
भाजपचे सर्वाधीक ४६ नगरसेवक आहेत. त्यामुळे स्वबळावर सत्ता स्थापन करण्याची क्षमता व संख्याबळ भाजपकडे आहे. त्याचा विचार करता उपमहापौर पद देखील भाजप आपल्याकडे ठेऊ शकतो. मात्र त्यांची ही अपेक्षा पूर्ण होईल, असे सध्याचे चित्र नाही.
जळगाव भाजपचे नेतृत्व जलसंपदा मंत्री महाजन यांच्याकडे आहे. जळगाव महापालिकेत सह बहुत अंशी नगरपालिकांवर भाजपचे वर्चस्व आहे. त्यामुळे महापूर पदासाठी आतापासूनच लॉबिंग सुरू झाली आहे. गिरीश महाजन यांच्याबरोबरच थेट मुख्यमंत्र्यांकडे लॉविंग होत असल्याची चर्चा आहे. आता भाजप कोणाला संधी देतो याची उत्सुकता आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.